Pooja Hegde: ఆ మాట విన్నప్పుడు గర్వంగా అనిపిస్తుంది.. స్టార్ హీరోయిన్ కామెంట్స్!

టాలీవుడ్ లో స్టార్ హీరోయిన్ గా గుర్తింపు తెచ్చుకుంది పూజాహెగ్డే. ఇప్పుడు బాలీవుడ్, కోలీవుడ్ లో కూడా ఆమెకి వరుస అవకాశాలు వస్తున్నాయి. ఈ మూడు భాషల్లో తన సత్తా చాటుతోంది పూజాహెగ్డే. నిజానికి పూజాహెగ్డే కర్ణాటకకు చెందిన అమ్మాయి. ఇదే విషయంపై ఆమె మాట్లాడుతూ.. బాలీవుడ్, టాలీవుడ్, కోలీవుడ్ లో తను పాపులర్ అయినప్పటికీ కర్నాటక అమ్మాయి అనిపించుకోవడమే తనకు ఇష్టం అని చెప్పుకొచ్చింది. తన మూలాల్ని ఎప్పుడూ ప్రేమిస్తానని.. కర్నాటక, మంగుళూరు ప్రాంతానికి చెందిన వ్యక్తిగా గర్విస్తానని చెప్పింది.

ముంబైలో పుట్టి పెరిగినప్పటికీ.. కన్నడ అమ్మాయినని అనిపించుకోవడానికే ఎక్కువ ఇష్టపడతానని తెలిపింది. అందమైన అమ్మాయిలంతా కర్ణాటక నుంచే వస్తున్నారని చాలా మంది తనతో అంటుంటారని.. ఆ మాట విన్నప్పుడు గర్వంగా అనిపిస్తుందని తెలిపింది. కన్నడ సినిమా ఇండస్ట్రీలో భాగం కావాలనుకుంటున్నానని.. శాండల్ వుడ్ నుంచి మంచి స్క్రిప్ట్ లు వస్తే గనుక సినిమా చేయాలనుకుంటున్నానని చెప్పింది. తను చెప్పేది కన్నడ చిత్రసీమకు చేరాలని అనుకుంటున్నానని తెలిపింది. ప్రస్తుతం ఈ బ్యూటీ తెలుగు, తమిళ, హిందీ భాషల్లో వరుస ఆఫర్లతో బిజీగా గడుపుతోంది.

అఖండ సినిమా రివ్యూ & రేటింగ్!

Most Recommended Video

‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!