Pooja Hegde Remuneration: రెమ్యునరేషన్ పెంచేసిన పూజాహెగ్డే!

June 8, 2022 / 09:59 AM ISTByFilmy Focus

Join Us

Pooja Hegde Remuneration: రెమ్యునరేషన్ పెంచేసిన పూజాహెగ్డే!

టాలీవుడ్ లో స్టార్ హీరోయిన్ గా దూసుకుపోతుంది పూజాహెగ్డే. దాదాపు అగ్ర హీరోలందరి సరసన కలిసి నటించింది. అయితే ఈ మధ్యకాలంలో ఆమె నటిస్తోన్న సినిమాలు పెద్దగా వర్కవుట్ అవ్వడం లేదు. ‘రాధేశ్యామ్’, ‘బీస్ట్’ సినిమాలతో ప్రేక్షకులను నిరాశ పరిచింది పూజాహెగ్డే. అయినప్పటికీ ఆమెకి అవకాశాలు మాత్రం వస్తున్నాయి. టాలీవుడ్ లో హీరోయిన్ల కరువు ఉండడంతో పూజా డిమాండ్ పెరిగిపోతుంది. దీంతో ఆమె రెమ్యునరేషన్ పెంచుకుంటూ పోతుంది. సినిమా సినిమాకి రేటు పెంచేస్తుంది.

ప్రస్తుతం ఈ బ్యూటీ రెమ్యునరేషన్ రూ.5 కోట్లకు చేరుకుంది. పూరి జగన్నాధ్ లేటెస్ట్ సినిమాకి ఆమె డిమాండ్ చేస్తోన్న రెమ్యునరేషన్ ఐదు కోట్లని తెలుస్తోంది. ఇందులో నాలుగు కోట్లు పూజా రెమ్యునరేషన్, మరో కోటి రూపాయలు ఆమె వ్యక్తిగత స్టాఫ్ ఖర్చులు. ప్రస్తుతానికి పూజాహెగ్డే చేతిలో త్రివిక్రమ్-మహేష్ బాబు సినిమా మాత్రమే ఉంది. అలానే పవన్-హరీష్ శంకర్ సినిమాలో పూజాని హీరోయిన్ గా తీసుకున్నారని సమాచారం. అయితే ఈ సినిమా ఎప్పుడు మొదలవుతుందో ఎవరికీ క్లారిటీ లేదు.

ఇవి కాకుండా హిందీలో రెండు సినిమాలు ఉన్నాయి. తెలుగులో కొత్తగా సినిమా అవకాశాలు వచ్చేలా కనిపించడం లేదు. ఎందుకంటే ఇప్పటికే ఆమె టాలీవుడ్ లో స్టార్ హీరోలతో కలిసి సినిమాలు చేసేసింది. మహేష్ బాబు లాంటి హీరోలు ఆమెని రిపీట్ కూడా చేస్తున్నారు. కాబట్టి స్టార్ హీరోలు మరోసారి పూజాని తమ సినిమాల్లో తీసుకునే అవకాశాలు తక్కువ.

మిడ్ రేంజ్ హీరోల సినిమాల్లో తీసుకోవాలంటే ఆమె రెమ్యునరేషన్ చాలా ఎక్కువ కాబట్టి బడ్జెట్ సహకరించదు. అందుకే పూజా తనకు క్రేజ్ ఉన్నప్పుడే ఎక్కువ రెమ్యునరేషన్ డిమాండ్ చేసి తీసుకుంటోంది.