ఇప్పటికైనా పూజ మారుతుందా?

పూజా హెగ్దే.. పరిచయం అక్కర్లేని పేరు. ప్రస్తుతం టాలీవుడ్ లో ఈమెనే స్టార్ హీరోయిన్. ఇప్పటికే దాదాపు స్టార్ హీరోలందరి సరసన నటించేసింది. అల్లు అర్జున్ తో రెండో సినిమా చేస్తుంది. ఇక పాన్ ఇండియా స్టార్ ప్రభాస్ పక్కన కూడా ఓ సినిమా చేస్తుంది. ఇక ఎన్టీఆర్, మహేష్ బాబు వంటి స్టార్ హీరోల పక్కన కూడా నటించేసింది. ఇక కుర్ర హీరోలైన నాగచైతన్య, వరుణ్ తేజ్ ల పక్కన కూడా నటించేసింది. అయితే ఈ అమ్మడికి బాలీవుడ్ లో రాణించాలనేది పెద్ద కోరిక.

తెలుగులో మొదటి సినిమా చేసిన వెంటనే బాలీవుడ్ లో హృతిక్ పక్కన నటించే ఛాన్స్ కొట్టేసింది. అయితే ఆ సినిమా పెద్ద డిజాస్టర్ కావడంతో ఈమెను అక్కడ ఎవ్వరూ పట్టించుకోలేదు. ఇప్పుడు తెలుగులో ఈమె కెరీర్ పీక్స్ లో ఉంది. ఇలాంటి టైం లో కూడా బాలీవుడ్ లో ‘హౌస్ ఫుల్4’ సినిమాలో నటించింది. అయితే ఈ చిత్రం కూడా అక్కడ ప్లాప్ టాక్ తెచ్చుకుంది. ఈ చిత్రం కోసం తెలుగులో రెండు సినిమాలు వదిలేసుకుందట పూజ. ఈమెకు తెలుగులో కోటిన్నర వరకూ పారితోషికం ఇస్తారు అంతే కాదు ఈమెకు 5 స్టార్ హోటల్ లో అని ఫెసిలిటీలు ఫ్రీగా ఇస్తుంటారు. ఇవన్నీ పక్కన పెట్టేసి ‘హౌస్ ఫుల్4’ కోసం రెండు సినిమాలు వదిలేసుకు ని మళ్ళీ ప్రమోషన్లకు కూడా మరో నెల కేటాయించింది. ఇంత చేసినా కనీసం ఆమె పాత్రకైనా మంచి పేరు వచ్చిందా అంటే.. అది కూడా లేదు..! ఈ సినిమాలు పూజ గురించి ఎవ్వరూ మాట్లాడుకోవడం లేదు. కృతి సనన్ మెయిన్ హీరోయిన్ కాబట్టి పూజ ను పెద్దగా ఎవ్వరూ పట్టించుకోవడం లేదు. ఇప్పటికైనా ఈమె తప్పు తెలుసుకుని తెలుగు సినిమాలకే ఎక్కువ ప్రాధాన్యత ఇస్తుందేమో చూడాలి..!

విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!