కాజల్ అవకాశాన్ని లాగేసుకున్న పూజా హెగ్దే?

ప్రస్తుతం టాలీవుడ్ లో పూజా హెగ్దే హవ్వ ఎక్కువయ్యింది. ప్రస్తుతం అల్లు అర్జున్, వరుణ్ తేజ్ చిత్రాల్లో నటిస్తూ బిజీగా గడుపుతున్న పూజా ఇప్పుడు స్టార్ హీరోయిన్ కాజల్ ఆఫర్ నే లాగేసుకుందట. విషయం ఏమిటంటే నాగార్జున, కళ్యాణ్ కృష్ణ డైరెక్షన్లో నాగార్జున హీరోగా ‘బంగార్రాజు’ చిత్రం తెరకెక్కనున్న సంగతి తెలిసిందే. ఈ చిత్రంలో హీరోయిన్ గా మొదట కాజల్ ను తీసుకోవాలనుకున్నారట. ఇందుకోసం ఆమెను సంప్రదించారట కూడా. ఆమె కూడా ఈ ఆఫర్ కు ఓకే చెప్పిందని కూడా తెలుస్తుంది. అయితే ఏమైందో ఏమో తెలీదు కాజల్ ప్లేస్ లో పూజా హెగ్దే ను తీసుకోవాలని భావిస్తున్నారట.

ఇక ఈ చిత్రంలో నాగ చైతన్య కూడా నటిస్తున్నాడు. ఆయన సరసన కీర్తి సురేష్ నటించనుందట. పూజా హెగ్దే మాత్రం నాగార్జున సరసన నటించబోతుందని తెలుస్తుంది. అయితే గతంలో నాగ చైతన్య తో ‘ఒక లైలా కోసం’ చిత్రంలో హీరోయిన్ గా నటించింది పూజా హెగ్దే. ఈ చిత్రంతోనే ఈమె హీరోయిన్ గా ఎంట్రీ ఇచ్చింది. అయితే ఈ చిత్రంలో నాగార్జున సరసన నటించడమంటే.. ఒక రకంగా నాగ చైతన్యకు తల్లిగా నటించడమే. మరి పూజా పాత్రని డైరెక్టర్ ఎలా డిజైన్ చేసుంటాడో చూడాలి.