జిల్ రాణి జిల్లుమనిపించలేదే

‘దువ్వాడ జగన్నాధం’ సినిమాతో స్విమ్మింగ్ పూల్ లో నుండి జలకన్యలా ఈదుకుంటూ వన్ పీస్ బికినీలో నడుచుకుంటూ బయటకొచ్చిన పూజా హెగ్డేను చూసి నోరెళ్ళబెట్టని కుర్రాడు లేడంటే అతశయోక్తి కాదు. ఆ తర్వాత కొన్ని ఫోటోషూట్స్ లోనూ పూజ అందాలు చూసి యువత తెగ ఆనందపడిపోయింది. అమ్మడు ప్రస్తుతం ఒక సినిమాలో హీరోయిన్ గా నటిస్తూ.. మరో మూడు క్రేజీ ప్రొజెక్ట్స్ సొంతం చేసుకొన్నప్పటికీ ఆమెను తెరపై చూసి చాలా రోజులవుతుంది. ఈలోపు “రంగస్థలం” చిత్రంలో ఐటెమ్ సాంగ్ లో అమ్మడిని చూసి సంతోషిద్దాం అనుకొన్న పూజా హెగ్డే అభిమానులు తీవ్ర నిరాశకు లోనవుతున్నారు.

మామూలు పాటల్లోనే హీరోయిన్స్ ను అందంగా చూపించే సుకుమార్.. ఐటెమ్ సాంగ్స్ లో నర్తించే భామలను మరింత హాట్ అండ్ సెన్సియస్ గా చూపిస్తుంటాడు. సో, పూజా పాపను కూడా అంతే హాట్ గా చూపిస్తాడని ఆశపడ్డారందరూ. కట్ చేస్తే.. అఫీషియల్ గా పూజా స్టిల్స్ ఏమీ వదలకపోయినా ఇవాళ ఉదయం రిలీజ్ చేసిన జ్యూక్ బాక్స్ లో అమ్మడి స్టిల్స్ కొన్ని వైరల్ అయ్యాయి. పక్కా ఊరు పిల్లలా కనిపిస్తున్న పూజ లుక్స్ వరకూ పర్లేదు కానీ.. ఆహార్యం మాత్రం ఆశించిన స్థాయిలో లేదు. మరి డ్యాన్స్ విషయంలో ఎంతమేరకు ఆకట్టుకొంటుందో చూడాలి.