Bellamkonda Sreenivas: బెల్లంకొండ సినిమాకి పూర్ రేటింగ్!

ఈ ఏడాది సంక్రాంతి కానుకగా బెల్లంకొండ శ్రీనివాస్ నటించిన ‘అల్లుడు అదుర్స్’ సినిమా విడుదలైన సంగతి తెలిసిందే. ఈ సినిమాకి తొలిరోజు నుండే ప్లాప్ టాక్ వచ్చింది. దీంతో ఎక్కువ రోజులు థియేటర్లో ఉండలేకపోయింది. ఇప్పుడు ఈ సినిమాను బుల్లితెర వీక్షకులు కూడా రిజెక్ట్ చేశారు. జెమినీ టీవీలో తాజాగా ఈ సినిమాను టెలికాస్ట్ చేయగా.. మోస్తరు టీఆర్ఫీ రేటింగ్ మాత్రం వచ్చింది. ఈ నెల 16న జెమినీ ఛానెల్ లో ‘అల్లుడు అదుర్స్’ సినిమాను ప్రసారం చేస్తే.. కేవలం 6.9 టీఆర్ఫీ మాత్రమే వచ్చింది.

ఓ కొత్త సినిమాకు బుల్లితెరపై ఈ రేటింగ్ అంటే చాలా తక్కువ అనే చెప్పాలి. కానీ హీరో బెల్లంకొండ రేంజ్ కు మాత్రం ఈ టీఆర్ఫీ పర్వాలేదని అంటున్నారు. ఈ సంక్రాంతికి ‘రెడ్’, ‘క్రాక్’, ‘మాస్టర్’, ‘అల్లుడు అదుర్స్’ సినిమాలు విడుదలైతే అందులో ‘క్రాక్’ మాత్రమే హిట్ టాక్ తెచ్చుకుంది. ఈ నాలుగు సినిమాల్లో ‘అల్లుడు అదుర్స్’ సినిమా డిజాస్టర్ అయింది. దర్శకుడు సంతోష్ శ్రీనివాస్ రాసుకున్న కామెడీ సీన్స్ అసలు వర్కవుట్ కాలేదు.

నిజానికి ఇలాంటి ప్లాప్ సినిమాలను వీలైనంత త్వరగా టెలికాస్ట్ చేయాలని చూస్తుంటారు. కానీ జెమినీ ఛానెల్ మాత్రం ప్లాప్ సినిమాను కూడా ఇన్నాళ్లు దాచి.. ఒక హిట్ సినిమా మాదిరి టెలికాస్ట్ చేసింది.

Most Recommended Video

ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!