సౌత్ లో కొంతమంది కొరియోగ్రాఫర్లు నటులుగా, దర్శకులుగా రాణిస్తున్నారు. ఇప్పుడు డాన్స్ మాస్టర్ జానీ కూడా నటుడిగా తన అదృష్టాన్ని పరీక్షించుకోవడానికి రెడీ అయ్యారు. దక్షిణాది సినీ పరిశ్రమలో జానీ మాస్టర్ తనకంటూ ప్రత్యేక గుర్తింపు సంపాదించుకున్నారు. ఆయన కొరియోగ్రఫీ చేసిన ఎన్నో పాటలు ప్రేక్షకులను ఆకట్టుకున్నాయి. తక్కువ సమయంలో కొరియోగ్రాఫర్ గా తన సత్తా చాటి స్టార్ హీరోలకు కొరియోగ్రఫీ అందించే అవకాశాలు చేజిక్కించుకున్నారు. ఈ ఏడాదిలో రికార్డ్ స్థాయిలో వ్యూస్ అందుకున్న ‘రౌడీ బేబీ’, ‘బుట్టబొమ్మ’ లాంటి పాటలకు కొరియోగ్రఫీ చేసింది జానీ మాస్టరే.
ఈ పాటలు యూట్యూబ్, ఇతర సోషల్ మీడియా ఫ్లాట్ ఫామ్ లలో రికార్డులు సృష్టించాయి. ఓ పక్క కొరియోగ్రాఫర్ గా రాణిస్తూనే.. టీవీలో వచ్చే పలు డాన్స్, రియాలిటీ షోలకు జడ్జిగా వ్యవహరిస్తున్నారు. తెలుగు, తమిళ, కన్నడ, హిందీ భాషల్లో దాదాపు 150కి పైగా సినిమాలకు కొరియోగ్రఫీ అందించిన జానీ మాస్టర్ ఇప్పుడు హీరోగా కనిపించడానికి రెడీ అవుతున్నారు. దర్శకుడు మురళీ రాజ్ రూపొందించే సినిమాతో జానీ మాస్టర్ హీరోగా పరిచయం కానున్నారు.
సుజీ విజువల్స్ పతాకంపై వెంకట్ రమణ కే ఈ సినిమాను నిర్మిస్తున్నారు. ఇప్పటివరకు కొరియోగ్రాఫర్ గా ఆకట్టుకున్న జానీ మాస్టర్ హీరోగా కూడా సక్సెస్ అవుతారేమో చూద్దాం!
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
