బోయపాటి శ్రీను నైజాన్ని బయటపెట్టిన పోసాని కృష్ణ మురళి

యాక్షన్ చిత్రాలను తెరకెక్కించే డైరక్టర్ బోయపాటి శ్రీనుపై ప్రముఖ రచయిత, నటుడు పోసాని కృష్ణమురళి ఫైర్ అయ్యారు. కృతజ్ఞత లేనివాడని, ఎలా మాట్లాడాలో కూడా తెలియని వ్యక్తి అని విమర్శించారు. తాను ఇండస్ట్రీకి పరిచయం చేసిన దాదాపు ముప్పైమందిలో బోయపాటి ఒక్కడే యదవని నిర్మొహమాటంగా చెప్పారు. రీసెంట్ గా పోసాని ఓ టీవీ ఛానల్ కి ఇచ్చిన ఇంటర్వ్యూ లో మాట్లాడుతూ “బోయపాటి శ్రీను చాలా పేదవాడు. అతని అన్నయ్య బ్రహ్మయ్య నన్ను రిక్వెస్ట్ చేస్తే డైరక్టర్ ముత్యాల సుబ్బయ్య దగ్గర అసిస్టెంట్ గా శ్రీనుని పెట్టాను. ఆయన వద్దే పదేళ్లు పనిచేశాడు. అటువంటి వాడు నేను డైరక్ట్ చేసిన సినిమా శ్రావణ మాసం ఫెయిల్ అయితే ఇంటికి వచ్చి ఎగతాళి చేసి వెళ్ళాడు” అని వివరించారు.

“బోయపాటి భార్యకు బాగాలేదని ఏడుస్తుంటే నేను కారు ఇచ్చి ఆస్పత్రికి పంపించాను. మా ఆవిడ ఆస్పత్రి ఖర్చు అంత పెట్టుకుంది. అవేమి గుర్తు పెట్టుకోకుండా నీచంగా మాట్లాడాడు” అని పోసాని వెల్లడించారు. కొన్ని రోజుల క్రితం హిట్ డైరక్టర్ కొరటాల శివ తను రాసిన సింహా చిత్రం కథకు బోయపాటి శ్రీను క్రెడిట్ ఇవ్వలేదని ఆరోపించారు. ఈ విషయం పై బోయపాటి స్పందించలేదు. మరి పోసాని మాటలకు ఏవిధంగా వివరణ ఇచ్చుకుంటారో చూడాలి.