బిగ్బాస్ హౌస్మేట్స్కు ఏ పేరైతే బాగుంటుంది, ఏ నిక్ నేమ్ అయితే బాగుంటుంది, ఏ ట్యాగ్ అయితే బాగుంటుందని అభిమానులు, నెటిజన్లు సోషల్ మీడియాలో రకరకాల పోస్ట్లు, పోస్టర్లు పెడుతున్నారు. వాటిని చూసి మీరూ నవ్వుకుని ఉంటారు. ఈ రోజు బిగ్ బాస్ హౌస్లో ఇలాంటిదే జరగబోతోంది. ఈసారి పోస్టర్లు చూపించబోయేది నాగార్జున. అవును బిగ్బాస్ హౌస్మేట్స్కు సరిపడే పోస్టర్లు అంటూ కొన్ని చూపించారు.
సండే అంటేనే ఫన్డే. ఇది బిగ్బాస్ ఇంటికి కూడా వర్తిస్తుంది. శనివారం ఇంటి సభ్యుల మీద ఆగ్రహించిన నాగ్… ఈ రోజు సరదా సరదాగా గడిపాడు. ఈ క్రమంలో ఇంటి సభ్యులకు సరిపడే పోస్టర్లను చూపించారు. దానికి తగ్గట్టు డ్యాన్సులు కూడా వేయించాడు. అమ్మ రాజశేఖర్ను విజయ్ కొత్త ‘మాస్టర్’ రూపంలో చూపించారు. ఆరియానాను ‘జల్సా’లో పవన్ కళ్యాణ్లా చూపించారు. ‘పెదరాయుడు’గా లాస్యను చూపించగా, మెహబూబ్ను ‘రేసుగుర్రం’లా పోస్టర్ క్రియేట్ చేశారు. అలాగే సోహైల్ను ‘పోకిరి’ మహేశ్బాబులా చూపించారు.
అభిజీత్కు ‘వరల్డ్ ఫేమస్ లవర్’ పోస్టర్ ఇచ్చారు. మోనాల్ను సమంతలా చూపించారు. ‘ఏమాయ చేశావె’ పోస్టర్ను చూపించారు. ఇక ఫైర్బ్రాండ్లా కనిపిస్తున్న అఖిల్కు ‘అర్జున్ రెడ్డి’ పోస్టర్ ఇచ్చారు. దివిని ‘అందాల రాక్షసి’లో లావణ్య త్రిపాఠిని చేసినట్లున్నారు. అన్నట్లు అఖిల్ అర్జున్ రెడ్డి డైలాగ్ చెప్పగానే అభిజీత్ నవ్వాడు. దానికి నాగ్ ‘ఎందుకు నవ్వుతున్నావ్’ అని అడిగాడు. ఆ తర్వాత అభిజీత్ మాట్లాడుతూ ‘మీరు ఈ రోజు అనేసి వెళ్లిపోతారు. తర్వాత వారమంతా మేం కొట్టుకుంటాం’ అంటూ కౌంటర్ వేశాడు. మరి దానికి నాగ్ ఏమన్నాడో చూడాలి.
