గతేడాది ‘భీష్మ’ సినిమాతో సక్సెస్ అందుకున్న హీరో నితిన్ ఈ ఏడాది ‘చెక్’, ‘రంగ్ దే’ లాంటి సినిమాలతో ప్రేక్షకుల ముందుకు వచ్చాడు. ‘రంగ్ దే’ సినిమాకి ఏవరేజ్ టాక్ వచ్చినప్పటికీ.. ‘చెక్’ మాత్రం ప్రేక్షకులను నిరాశ పరిచింది. దీంతో తన తదుపరి సినిమాల విషయంలో మరిన్ని జాగ్రత్తలు తీసుకుంటున్నాడు. ఈ క్రమంలో ప్రముఖ రచయిత వక్కంతం వంశీతో సినిమా చేయడానికి రెడీ అవుతున్నాడు. గతంలో అల్లు అర్జున్ హీరోగా ‘నా పేరు సూర్య’ సినిమా తీసిన వక్కంతం వంశీ..
దర్శకుడిగా తన రెండో సినిమాకి చాలా సమయం తీసుకున్నాడు. పవన్ కళ్యాణ్ కోసం కథ సిద్ధం చేసుకొని ఆయనకు వినిపించినట్లు తెలుస్తోంది. పవన్ కి కథ నచ్చినప్పటికీ.. ప్రస్తుతం ఉన్న పరిస్థితుల్లో సినిమా చేయలేని పరిస్థితి. కమిట్ అయిన సినిమాలు చాలా ఉన్నాయి. అవి పూర్తి చేయకుండా మరో సినిమా ఒప్పుకోలేక వక్కంతంకి నో చెప్పాడు. అయితే తనకు బదులుగా ఆ సినిమాలో నితిన్ ని హీరోగా తీసుకోమని రికమెండ్ చేశాడట.
పవన్ పంపించిన కథ కావడంతో నితిన్ వెంటనే ఓకే చెప్పేశాడట. పవన్ కి నితిన్ వీరాభిమాని అని ప్రత్యేకంగా చెప్పనక్కర్లేదు. పవన్ కి కూడా నితిన్ అంటే ఇష్టం. గతంలో నితిన్ హీరోగా సినిమా కూడా నిర్మించాడు. ఇప్పుడు తన వద్దకు వచ్చిన కథను నితిన్ కి పంపించాడు. ఈ సినిమాలో నితిన్ సరికొత్త లుక్ లో కనిపించబోతున్నాడని తెలుస్తోంది!
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
