రాంగోపాల్ వర్మ.. ఇదేమి కర్మ..!

July 17, 2020 / 07:20 PM IST

Join Us

ఓ పక్కన వైరస్ మహమ్మారి వల్ల థియేటర్లు మూత పడి జనాలు ఎంటర్టైన్మెంట్ కోసం ఒటిటి లనే నమ్ముకున్నారు. వాటికి డిమాండ్ కూడా బాగా పెరిగిపోయింది. ఇక షూటింగ్ లు చేసే ఛాన్స్ ఎలాగు లేదు కాబట్టి చాలా మంది దర్శకులు స్క్రిప్ట్ లు రెడీ చేసుకుంటూ సమయాన్ని గడుపుతున్నారు. అయితే మన వివాదాల దర్శకుడు రాంగోపాల్ వర్మ మాత్రం.. వారానికో సినిమాని తీసి ‘ఆర్జీవీ వరల్డ్ థియేటర్’ద్వారా ఆన్లైన్ లో రిలీజ్ చేస్తున్నాడు.

ఇప్పటికే రెండు అడల్ట్ కంటెంట్ సినిమాలను విడుదల చేసి బాగానే సొమ్ము చేసుకున్నాడు. ఇప్పుడు పవన్ ఫ్యాన్స్ ను టార్గెట్ చేసి మరింత సొమ్ము చేసుకోవచ్చు అని ప్లాన్ చేసినట్టున్నాడు. ‘పవర్ స్టార్’ అనే పేరుతో పవన్ కళ్యాణ్ పై కౌంటర్లు వేసే విధంగా ఓ సినిమా తీసాడు. ఈ చిత్రాన్ని కూడా ‘ఆర్జీవీ వరల్డ్ థియేటర్’ లోనే పవన్ కళ్యాణ్ ‘తొలి ప్రేమ’ చిత్రం రిలీజైన జూలై 24నే విడుదల చేయబోతున్నట్టు ప్రకటించాడు. అయితే ఈసారి ఓ కొత్త ప్లాన్ వేశాడు వర్మ. సినిమా రిలీజ్ కు ముందు ట్రైలర్ ను కూడా రిలీజ్ చేస్తాడట.

సినిమాని ఎలాగూ డబ్బులు పెట్టే చూడాలి.. అది తప్పదు. కానీ ట్రైలర్ కు కూడా టికెట్ 50 రూపాయలు రేటు పెట్టబోతున్నాడట. ‘వర్మ సినిమా థియేటర్ కు వెళ్లి 50 రూపాయలు టికెట్ పెట్టి చూసినా వేస్టే అని ఫీలయ్యే జనాలు.. ట్రైలర్ కే 50 రూపాయలు పెడతారా.. ? అది కూడా ఆన్లైన్ లో విడుదలయ్యే సినిమాకి.? ‘ఇది మరీ విడ్డూరంగా ఉంది’ అని కొంతమంది కామెంట్స్ చేస్తుంటే.. ‘కొంతమంది పవన్ ఫ్యాన్స్ మాత్రం.. ఇదేం కర్మరా బాబు’ అని ఫీలవుతున్నట్టు వినికిడి.