ప్రభాస్, చిరు, పవన్.. వందల కోట్ల బిజినెస్

January 25, 2021 / 10:15 AM ISTByFilmy Focus

Join Us

ప్రభాస్, చిరు, పవన్.. వందల కోట్ల బిజినెస్

లాక్ డౌన్ కంటే ముందు వరకు కూడా స్టార్ హీరోలు ఒక సినిమాను పూర్తి చేస్తే గాని మరో సినిమాను సెట్స్ పైకి తెచ్చేవారు కాదు. ఇక ఇప్పుడు మాత్రం స్లోగా సినిమాలు చేస్తున్నారు అనుకుంటే.. వాళ్లే వరుసగా నాలుగు సినిమాలను లైన్ లో పెట్టారు. ఒక్కో సినిమా వంద కోట్లకు తక్కువ కాకుండా బిజినెస్ చేయగలదని చెప్పవచ్చు. మరో నాలుగేళ్ళ వరకు వాళ్ళు మరో కొత్త సినిమాను స్టార్ట్ చేసే ఛాన్స్ కూడా లేదు.

వాళ్ళు మరెవరో కాదు మెగాస్టార్ చిరంజీవి, పవర్ స్టార్ పవన్ కళ్యాణ్, రెబల్ స్టార్ ప్రభాస్. పాన్ ఇండియా స్టార్ ప్రభాస్ ఎలాంటి సినిమా చేసినా కూడా పాన్ ఇండియా అని చెప్పవచ్చు. వరుసగా నాలుగు సినిమాలను లైన్ లో పెట్టగా ఇక ఒక్కో సినిమా 200కోట్లకు తక్కువగా ఉండదు. ప్రస్తుతం చేస్తున్న రాధేశ్యామ్ తో పాటు సలార్, ఆది పురుష్ సినిమాలు లైన్ లో ఉన్న విషయం తెలిసిందే. ఇక నాగ్ అశ్విన్ తో కూడా మరో సినిమా చేయబోతున్నాడు.

మెగాస్టార్ చిరంజీవి కొరటాల ఆచార్య అనంతరం మళయాళం లుసిఫర్ రీమేక్ ను అలాగే మెహర్ రమేష్ దర్శకత్వంలో వేదళం రీమేక్ ను సెట్స్ పైకి తేనున్నాడు. ఇక బాబీ కూడా మరో కథను సిద్ధం చేస్తున్న విషయం తెలిసిందే. ఇక పవర్ స్టార్ పవన్ కళ్యాణ్ విషయానికి వస్తే వకీల్ సాబ్ విడుదలకు సిద్ధం చేసి అయ్యప్పనుమ్ కొశీయుమ్ రీమేక్ ను సెట్స్ పైకి తెచ్చాడు. అనంతరం క్రిష్ పిరియాడిక్ కథను అలాగే హరీష్ శంకర్ సినిమాతో బిజీ కానున్నాడు. సురేందర్ రెడ్డి దర్శకత్వంలో కూడా మరో సినిమాకు గ్రీన్ సిగ్నల్ ఇచ్చిన విషయం తెలిసిందే.