ప్రభాస్ మారుతి కాంబినేషన్ లో భారీ బడ్జెట్ తో ఒక సినిమా తెరకెక్కుతున్న సంగతి తెలిసిందే. పక్కా కమర్షియల్ ఫ్లాప్ తర్వాత మారుతి డైరెక్షన్ లో తెరకెక్కుతున్న సినిమా ఇదే కావడం గమనార్హం. ఫ్యాన్స్ కు ఇష్టం లేకపోయినా మాట ఇవ్వడంతో ప్రభాస్ ఈ ప్రాజెక్ట్ విషయంలో వెనక్కు తగ్గడం లేదు. అయితే ఈ ప్రాజెక్ట్ గురించి వైరల్ అవుతున్న వార్తలు ఈ సినిమాపై అంచనాలను అంతకంతకూ తగ్గిస్తున్నాయి.
మారుతి సినిమాలో ప్రభాస్ దెయ్యంగా కనిపిస్తారని ఒక వార్త ప్రచారంలోకి రాగా ఈ వార్త ప్రభాస్ అభిమానులను తెగ టెన్షన్ పెడుతోంది. ప్రభాస్ మారుతి సినిమాలో దెయ్యంగా కనిపిస్తారని దెయ్యం రోల్ లో ప్రభాస్ కామెడీ చేస్తారని వార్తలు ప్రచారంలోకి వస్తుండగా ఆ తరహా సినిమాలకు కాలం చెల్లిందని కామెంట్లు వినిపిస్తున్నాయి. ఒక విధంగా ప్రభాస్ కెరీర్ తో మారుతి చెలగాటం ఆడుతున్నాడని మరి కొందరు చెబుతున్నారు. మారుతిపై ప్రభాస్ ఫ్యాన్స్ మండిపడుతున్నారు.
ఈ కామెంట్లపై మారుతి నుంచి ఎలాంటి రియాక్షన్ వస్తుందో చూడాల్సి ఉంది. మారుతి మాత్రం నెగిటివ్ కామెంట్లను అస్సలు పట్టించుకోకుండా సినిమాపైనే ప్రధానంగా దృష్టి పెట్టారు. మారుతి ఈ ప్రాజెక్ట్ కు పరిమితంగానే రెమ్యునరేషన్ తీసుకుంటున్నారు. ప్రభాస్ మాత్రం ఈ సినిమా కోసం 100 కోట్ల రూపాయలకు అటూఇటుగా పారితోషికం తీసుకున్నారని సమాచారం అందుతోంది.
మారుతి ఈ సినిమాతో సక్సెస్ సాధిస్తే మాత్రమే ఆయనకు కొత్త సినిమా ఆఫర్లు రావడంతో పాటు కెరీర్ పుంజుకునే అవకాశం ఉంది. మారుతి గతంలో ఎంతోమంది హీరోలకు హిట్లు ఇచ్చినా ప్రేక్షకులు మాత్రం మారుతిని నమ్మలేకపోతున్నారు. మారుతి ఈ సినిమాతో కచ్చితంగా ప్రూవ్ చేసుకోవాలని అభిమానులు కోరుకుంటున్నారు. 2023 సంవత్సరంలో ప్రభాస్ మారుతి కాంబో మూవీ రిలీజ్ కానుందని సమాచారం అందుతోంది. మారుతి ఈ సినిమా స్క్రిప్ట్ విషయంలో ఎన్నో జాగ్రత్తలు తీసుకుంటున్నారు.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
