బాహుబలి చిత్రంలో అమరేంద్ర బాహుబలి వాడిన కత్తి అందరికీ తెలిసిందే. భల్లాల దేవుడి కొడుకుని ఆ కత్తితోనే మహేంద్ర బాహుబలి చంపుతాడు. అమరేంద్ర బాహుబలి చివరి శ్వాస విడిచేటప్పుడు కూడా ఆ కత్తి పట్టుకునే ఉంటాడు. అందుకే బాహుబలి సినిమా గుర్తున్నంతవరకు ఆ కత్తి గుర్తుంటుంది. ఆ కత్తి ప్రస్తుతం ప్రభాస్ వద్ద లేదు. అసలు బాహుబలి టీమ్ వద్ద కూడా లేదు. విరాట్ వద్ద ఉంది. విరాట్ అంటే భారత క్రికెట్ జట్టు కెప్టెన్ విరాట్ కోహ్లీ కాదు. సినీ స్టార్ విక్రమ్ ప్రభు కుమారుడు విరాట్(శివాజీ గణేశన్ ముని మనవడు). విక్రమ్ ప్రభు ప్రస్తుతం ‘నెరుప్పుడా’ చిత్రం చేస్తున్నారు. ఇతని తనయుడుకి ప్రభాస్ బాహుబలి కత్తిని బహుమతిగా పంపాడు.
దీనిపై ‘టూ విరాట్ విత్ లవ్ ప్రభాస్’ అని రాశాడు. అపూరూపమైన కత్తి ని చూసి విక్రమ్ మురిసిపోతున్నారు. ఆ విషయాన్ని విక్రమ్ సోషల్ మీడియా ద్వారా అభిమానులకు చెప్పుకొని ఆనందపడుతున్నారు. ప్రస్తుతం సాహో సినిమా షూటింగ్ లో ప్రభాస్ బిజీగా ఉన్నారు. ఏకకాలంలో తెలుగు, తమిళం, హిందీ భాషల్లో తెరకెక్కుతోన్న ఈ చిత్రంపై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
