టాలీవుడ్ రెబల్ స్టార్, పాన్ ఇండియా స్టార్ ప్రభాస్ క్రేజీ ప్రాజెక్ట్స్ తో ఫుల్ బిజీగా ఉన్న సంగతి తెలిసిందే.. ‘ఆదిపురుష్’ తో బాలీవుడ్ ఎంట్రీ ఇస్తున్నాడు.. షూటింగ్ పార్ట్ కంప్లీట్ చేసుకున్న ఈ మూవీ ప్రస్తుతం పోస్ట్ ప్రొడక్షన్ వర్క్ జరుపుకుంటోంది. ఇటీవల రిలీజ్ చేసిన టీజర్, త్రీడీ టీజర్ కి సాలిడ్ రెస్పాన్స్ వచ్చింది. ఇండియన్ స్క్రీన్ మీద మరోసారి హాలీవుడ్ రేంజ్ సినిమా చూడబోతున్నామనే ఫీల్ కలిగించింది. 2023 సంక్రాంతికి రిలీజ్ ప్లాన్ చేస్తున్నారు.
ఇక ‘కె.జి.యఫ్’ తో సెన్సేషన్ క్రియేట్ చేసిన ప్రశాంత్ నీల్ తో చేస్తున్న ‘సలార్’ కూడా జెట్ స్పీడ్ తో షూటింగ్ జరుపుకుంటోంది. మరోవైపు నాగ్ అశ్విన్ దర్శకత్వంలో ప్రెస్టీజియస్ ఫిలిం ‘ప్రాజెక్ట్ - K’ చేస్తున్నాడు. ఇవి సెట్స్ మీద ఉండగానే 25వ సినిమాని సందీప్ రెడ్డి వంగాతో అనౌన్స్ చేశాడు. ప్రభాస్ కెరీర్ లో ఎక్కువ భాషల్లో తెరకెక్కనున్న సినిమా ఇదే కావడం విశేషం. ఇంతలో సడెన్ గా మారుతి దర్శకత్వంలో సినిమా షెడ్యూల్ చేసేశారు.
‘రాధే శ్యామ్’ తో లాస్ అయిన తన ఫ్రెండ్స్ కోసం ప్రభాస్ ఈ సినిమా చేస్తున్నాడని.. దానయ్య నిర్మిస్తాడని.. ‘డీలక్స్ రాజా’ అనే టైటిల్ ఫిక్స్ చేశారని రకరకాల వార్తలు వచ్చాయి.మేకర్స్ మాత్రం ఎలాంటి కన్ఫర్మేషన్ ఇవ్వలేదు. ఇంతలో ప్రభాస్ పెదనాన్న కృష్ణంరాజు గారు మరణించడంతో ఈ ప్రాజెక్ట్ పట్టాలెక్కడం కష్టమే అనే మాటలు కూడా వినిపించాయి. కట్ చేస్తే ఎట్టకేలకు పీపుల్ మీడియా ఫ్యాక్టర్ బ్యానర్ మీద.. ప్రభాస్ హీరోగా మారుతి దర్శకత్వంలో సినిమా ప్రకటించేశారు.
మలయాళీ బ్యూటీ మాళవికా మోహనన్ కథానాయికగా ఫిక్స్ అయ్యింది. రేపటినుండి (అక్టోబర్ 20) హైదరాబాద్ రామోజీ ఫిలిం సిటీలో రెగ్యులర్ షూటింగ్ స్టార్ట్ కానుంది. ఇప్పటికే మాళవికతో కొంత పార్ట్ షూట్ చేశారని కూడా టాక్.. తర్వాత అన్నీ భారీ ప్రాజెక్ట్స్ ఉండడంతో ఈ సినిమాని ఎట్టిపరిస్థితుల్లో ఆరునెలల్లోనే కంప్లీట్ చేయాలనేది ప్రభాస్ ప్లాన్ గా తెలుస్తోంది..
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
