సౌత్ ఇండియాలో మాత్రమే కాదు యావత్ ప్రపంచంలో కేవలం ఫోటో లేదా ఫేస్ చూసి గుర్తుపట్టగల స్థాయి పాపులారిటీ సొంతం చేసుకొన్న ఏకైక తెలుగు నటుడు ప్రభాస్ అని చెప్పడంలో ఎలాంటి సందేహం లేదు. అటువంటి ప్రభాస్ నటిస్తున్న ఏ సినిమా అయినా తెలుగుతోపాటు హిందీ, తమిళ, మలయాళ భాషల్లోనూ విడుదలవ్వడం అనేది సర్వసాధారణం అయిపోయింది. తెలుగు తర్వాత అతిపెద్ద మార్కెట్ అయిన హిందీలో తనకంటూ ప్రత్యేకమైన గుర్తింపు సంపాదించుకొనే పనిలో భాగంగా ప్రభాస్ “సాహో” హిందీ వెర్షన్ కి కూడా డబ్బింగ్ చెబుతాడని, అందుకోసమే ఆల్రెడీ హిందీ కోచింగ్ క్లాసెస్ కూడా అటెండ్ అవుతున్నాడని వార్తలొచ్చిన విషయం తెలిసిందే.
అయితే.. తాజా సమాచారం ప్రకారం ప్రభాస్ “సాహో” చిత్రానికి హిందీ వెర్షన్ డబ్బింగ్ చెప్పే విషయంలో పునరాలోచనలో ఉన్నాడట. “బాహుబలి” హిందీ వెర్షన్ కి బాలీవుడ్ నటుడు “సర్దార్ గబ్బర్ సింగ్” ఫేమ్ శరద్ కేల్కర్ డబ్బింగ్ చెప్పగా.. సాహోకి కూడా అతడి చేతే డబ్బింగ్ చెప్పించే ఆలోచనలో ఉన్నారట బృందం. మరి చివరికి ఏమవుతుంది అనే విషయంలో క్లారిటీ లేదు కానీ.. ప్రస్తుతానికి మాత్రం ప్రభాస్ హిందీలో ఇంకా కాన్ఫిడెంట్ గా డబ్బింగ్ చెప్పడానికి జంకుతున్నాడని తెలుస్తోంది.
