యంగ్ రెబల్ స్టార్ నటిస్తోన్న తాజా చిత్రం ‘రాధేశ్యామ్’ షూటింగ్ చివరి దశకు చేరుకుంది. ప్రభాస్ నటించిన ‘సాహో’ సినిమా పెద్దగా ఆకట్టుకోకపోవడంతో అభిమానులంతా ఈ సినిమాపై భారీ అంచనాలు పెట్టుకున్నారు. ‘జిల్’ లాంటి హిట్ సినిమాను తెరకెక్కించిన దర్శకుడు రాధాకృష్ణ ఈ సినిమాను రూపొందిస్తున్నారు. రెబల్ స్టార్ కృష్ణంరాజు సమర్పణలో గోపీకృష్ణా మూవీస్ యూవీ క్రియేషన్స్ బ్యానర్లపై ఈ సినిమాను నిర్మిస్తున్నారు. పీరియాడిక్ డ్రామా నేపథ్యంలో తెరకెక్కుతోన్న ఈ సినిమాలో పూజా హెగ్డే హీరోయిన్ గా నటిస్తోంది.
ప్రస్తుతం హైదరాబాద్ లో ప్రత్యేకంగా సెట్ ని నిర్మించి అక్కడే చిత్రీకరణ జరిపిస్తున్నారు. అయితే ఈ సినిమాను ఎప్పుడు రిలీజ్ చేస్తారా..? అనే విషయంలో చర్చ మొదలైంది. ఇటీవల విడుదల చేసిన ఈ సినిమా పోస్టర్లు, మోషన్ పోస్టర్ ప్రేక్షకులను ఆకట్టుకున్నాయి. వీలైనంత త్వరగా సినిమాను పూర్తి చేసి ఏప్రిల్ 30, 2021లో రిలీజ్ చేయాలని ప్లాన్ చేస్తున్నారు. సమ్మర్ ని టార్గెట్ చేసుకొని తెలుగు, తమిళ, హిందీ భాషల్లో చాలా సినిమాలు వస్తున్నాయి.
వీటితో పోటీగా ప్రభాస్ సినిమాను కూడా రంగంలోకి దింపాలని చూస్తున్నారు. ఏప్రిల్ గనుక సినిమా రిలీజైతే ఫ్యాన్స్ కి పండగే. త్వరలోనే ఈ సినిమా టీజర్ ని విడుదల చేస్తారని అభిమానులు ఆసక్తిగా ఎదురుచూస్తున్నారు. ఈ సినిమా తరువాత ప్రభాస్ లిస్ట్ లో చాలా సినిమాలు ఉన్నాయి. ముందుగా కేజీఎఫ్ డైరెక్టర్ తో ‘సలార్’ సినిమాను మొదలుపెట్టనున్నాడు. ఆ తరువాత ‘ఆదిపురుష్’ అలానే నాగ్ అశ్విన్ సినిమాలను పట్టాలెక్కించనున్నారు.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
