Prabhas : రెబల్ స్టార్ అభిమానులకు అదిరిపోయే న్యూస్.. ఏంటో తెలుసా ?

పాన్ ఇండియా స్టార్ ప్రభాస్ వరుస ప్రాజెక్టులతో తన మార్కెట్‌ను మరింత విస్తరించుకుంటూ ముందుకు సాగుతున్నారు. ఫ్యామిలీ ఎంటర్‌టైనర్స్ నుంచి హై వోల్టేజ్ యాక్షన్ సినిమాల వరకు విభిన్నమైన పాత్రల్లో నటిస్తూ తనదైన శైలిలో ప్రత్యేకత చాటుకుంటున్నారు. ఈ క్రమంలోనే బ్లాక్ బస్టర్ దర్శకుడు ప్రశాంత్ నీల్ దర్శకత్వంలో రూపొందించిన సలార్ పార్ట్ 1 ద్వారా ప్రేక్షకులను ఆకట్టుకున్న సంగతి అందరికి తెలిసిందే. ఈ సినిమా భారీ విజయం సాధించి బాక్సాఫీస్ వద్ద మంచి కలెక్షన్స్ కూడా నమోదు చేసింది.

Prabhas

ఇప్పుడు ఈ కథకు కొనసాగింపుగా రాబోతున్న సలార్ పార్ట్ 2 (శౌర్యంగ పర్వం)పై ఆసక్తి రోజురోజుకూ పెరుగుతోంది. గతంలో ఈ సీక్వెల్‌పై సందేహాలు వ్యక్తమైనప్పటికీ, తాజా సమాచారం ప్రకారం ఈ ప్రాజెక్ట్ ఖచ్చితంగా రూపొందబోతుందని ఇండస్ట్రీలో బలమైన చర్చ నడుస్తోంది.

ముఖ్యంగా మొదటి భాగం క్లైమాక్స్‌లో ఇచ్చిన హింట్ ఆధారంగా “శౌర్యంగ” తెగ యొక్క కథను మరింత డెప్త్‌తో చూపించబోతున్నారని సమాచారం. కథలో భావోద్వేగాలు, శక్తివంతమైన యాక్షన్ ఎపిసోడ్స్‌ను మరింత పెంచి, మొదటి భాగాన్ని మించిన స్థాయిలో సీక్వెల్‌ను తీర్చిదిద్దేందుకు మేకర్స్ ప్లాన్ చేస్తున్నట్లు తెలుస్తోంది.

షూటింగ్ విషయానికి వస్తే, ప్రస్తుతం ప్రభాస్ మరియు ప్రశాంత్ నీల్ తమ తమ ప్రాజెక్టులతో బిజీగా ఉన్నారు. ఈ కారణంగా 2027 ప్రారంభంలో రెగ్యులర్ షూటింగ్ ప్రారంభమయ్యే అవకాశాలు కనిపిస్తున్నాయి. అంతవరకు ప్రీ-ప్రొడక్షన్ పనులను పర్ఫెక్ట్‌గా పూర్తి చేయాలని టీమ్ భావిస్తోంది.

అలాగే పార్ట్ 2 లో ప్రభాస్ మరియు పృథ్విరాజ్ సుకుమారన్ మధ్య రాబోయే సన్నివేశాలు కథకు హైలైట్‌గా నిలుస్తాయని టాక్. హోంబలే ఫిలిమ్స్ నిర్మిస్తున్న ఈ చిత్రం కోసం ఎక్కడా రాజీ పడకుండా అత్యుత్తమ సాంకేతిక విలువలతో రూపొందించాలని నిర్ణయించారు.మొత్తానికి “సలార్ 2”పై ఉన్న అంచనాలు రోజురోజుకూ పెరుగుతున్నాయి. ఈ సినిమా మరోసారి బాక్సాఫీస్ వద్ద రికార్డులు తిరగరాయడం ఖాయం అనే నమ్మకం అభిమానుల్లో కనిపిస్తోంది.

ఎం.ఎస్. రాజు ‘అగధ’లో ‘మహాదేవి’గా కామాక్షి భాస్కర్ల!