బాహుబలి ప్రభాస్ ని ప్రపంచానికి పరిచయం చేసినట్టే.. కరణ్ జోహార్ ని తెలుగు ప్రజలకు పరిచయం చేసింది. బాలీవుడ్ లో ప్రముఖ నిర్మాతగా పేరొందిన ఈయన ప్రభాస్, రాజమౌళిపై నమ్మకంతో బాహుబలి బిగినింగ్ ని హిందీలో డబ్ చేసి విడుదల చేశారు. అలాగే బాహుబలి కంక్లూజన్ ని కూడా దేశవ్యాప్తంగా ఎక్కువ థియేటర్లలో రిలీజ్ అయ్యేలా చేసి రికార్డులను నెలకొల్పడంలో భాగం పంచుకున్నాడు. అతని గురించి ఎందుకు ప్రస్తావిస్తున్నామంటే…. బాహుబలి తర్వాత వివిధ పరిశ్రమల నుంచి ప్రభాస్ కి భారీ ఆఫర్స్ వచ్చాయి. కానీ అతని ఇదివరకు ఇచ్చిన మాట ప్రకారం యువ దర్శకులు సుజీత్, రాధా కృష్ణల దర్శకత్వంలో నటించడానికి ఒకే చెప్పారు.
వీటిని యూవీ క్రియేషన్స్ బ్యానర్లో వంశీ, ప్రమోద్ లు నిర్మించనున్నారు. ఈ రెండు తర్వాత డేట్స్ తనకే ఇవ్వాలని కరణ్ జోహార్ పట్టు బడుతున్నారు. ప్రభాస్ తో డైరక్ట్ హిందీ మూవీ చేయాలనీ ఇప్పటి నుంచే ప్రయత్నాలు మొదలెట్టారు. అయితే కరణ్ కి ఇంకా ఒకే చెప్పలేదంట. కారణం ఏమిటని ఆరాతీస్తే ఏకంగా రెండు సినిమాలకు ఇప్పుడే అగ్రిమెంట్ ని కరణ్ జోహార్ తయారు జేశారంట. ఆలా అయితే రెండేళ్లు బాలీవుడ్ కె పరిమితమవ్వాల్సి ఉంటుంది. అందుకే ఆలోచిస్తున్నారు. అగ్రిమెంట్ పై సంతకం చెయ్యాలా? వద్దా? అనేది ప్రభాస్ అమెరికా ట్రిప్ తర్వాత నిర్ణయం తీసుకోనున్నారు.
Also, do SUBSCRIBE to our YouTube channel to get latest Tollywood updates.
