ఒకేసారి రెండు సినిమాల్లో నటించనున్న ప్రభాస్

ప్రతి ఏడాది రెండు సినిమాలు తప్పకుండా చేస్తానని బాహుబలి 2 ప్రీ రిలీజ్ వేడుకలో ప్రభాస్ అభిమానులకు మాట ఇచ్చారు. ఆ మాట నిలబెట్టుకోనున్నారు. బాహుబలి 2 తర్వాత యంగ్ రెబల్ స్టార్ ‘రన్ రాజా రన్’ ఫేమ్ సుజీత్ డైరెక్షన్లో సినిమా చేస్తున్న సంగతి తెలిసిందే. యువీ క్రియేషన్స్ బ్యానర్లో భారీ బడ్జెట్ లో తెరకెక్కుతున్న ‘సాహో’ టీజర్ సినిమాపై అంచనాలను పెంచేసింది. ప్రస్తుతం విదేశాల్లో విహరిస్తున్న ప్రభాస్ హాలిడే ట్రిప్ నుంచి తిరిగిరాగానే ‘సాహో’ రెగ్యులర్ షూటింగ్లో పాల్గొననున్నారు. అయితే ఈ మూవీ ప్రొడక్షన్ దశలో ఉండగానే మరో మూవీని పట్టాలెక్కించాలని ప్రభాస్ ఫిక్స్ అయినట్లు తెలిసింది.

తన 20 వ సినిమాని ‘జిల్’ ఫేమ్ రాధాకృష్ణన్ దర్శకత్వంలో చేయనున్నారు. దీనిని కూడా యువీ క్రియేషన్స్ బ్యానర్లో వంశీ ప్రమోద్ లు నిర్మిస్తున్నారు. ఈ చిత్ర షూటింగ్ కూడా జులై లో మొదలు పెట్టాలని చిత్ర బృందం ప్రీ ప్రొడక్షన్ వర్క్ లో వేగం పెంచింది. సో ప్రభాస్ ఒకే సారి రెండు సినిమాల్లో నటించనున్నారు. ఈ రెండు ఏకకాలంలో మూడు భాషల్లో తెరకెక్కనుండడం మరో విశేషం.

Also, do SUBSCRIBE to our YouTube channel to get latest Tollywood updates.