Prabhu Deva, Chiranjeevi: మరో రీమేక్ పై చిరు ఫోకస్!

September 30, 2022 / 02:50 PM ISTByFilmy Focus

Join Us

Prabhu Deva, Chiranjeevi: మరో రీమేక్ పై చిరు ఫోకస్!

మెగాస్టార్ చిరంజీవి వరుస సినిమాలను లైన్ లో పెడుతున్నారు. ప్రస్తుతం ఆయన నటించిన ‘గాడ్ ఫాదర్’ సినిమా విడుదలకు సిద్ధమవుతోంది. అది కాకుండా.. ‘వాల్తేర్ వీరయ్య’, ‘భోళా శంకర్’ సినిమాలు షూటింగ్ దశలో ఉన్నాయి. వీటితో పాటు వెంకీ కుడుముల దర్శకత్వంలో చిరు సినిమా చేయాలనుకున్నారు. దీనికి సంబంధించిన ప్రకటన కూడా వచ్చింది. కానీ ఇప్పుడు ఈ సినిమా ఆగిపోయిందని టాక్. ఇదిలా ఉండగా.. ఇప్పుడు మెగాస్టార్ ఓ రీమేక్ సినిమా చేయాలనుకుంటున్నారు.

నిజానికి ‘గాడ్ ఫాదర్’ సినిమా ఒక రీమేక్ అలానే ‘భోళా శంకర్’ కూడా కోలీవుడ్ సినిమాకి రీమేక్. ఇప్పుడు మరో రీమేక్ కథపై ఆయన దృష్టి పెట్టినట్లు సమాచారం. స్పానిష్ థ్రిల్లర్ సినిమాను తెలుగులో రీమేక్ చేయాలనుకుంటున్నారు చిరు. ఒక రిటైర్డ్ డాన్ ఫ్యామిటీ చుట్టూ నడిచే స్టోరీ అది. దీన్ని తెలుగులోకి తీసుకురావాలనుకుంటున్నారు. ఈ రీమేక్ బాధ్యతను ప్రముఖ కొరియోగ్రాఫర్, నటుడు, దర్శకుడు ప్రభుదేవాకి అప్పగించినట్లు సమాచారం.

ఇదివరకు ప్రభుదేవా, చిరు కాంబినేషన్ లో ‘శంకర్ దాదా జిందాబాద్’ అనే సినిమా వచ్చింది. అలానే చిరు పనిచేసిన చాలా సినిమాలకు ప్రభుదేవా కొరియోగ్రఫీ అందించారు. ‘గాడ్ ఫాదర్’ సినిమాలో కూడా ప్రభుదేవా ఒక సాంగ్ కి వర్క్ చేశారు. ఇప్పుడు మరోసారి దర్శకుడిగా ప్రభుదేవాకి ఛాన్స్ ఇవ్వాలనుకుంటున్నారు చిరు.

ప్రస్తుతం ప్రభుదేవా స్క్రిప్ట్ ను సిద్ధం చేసే పనిలో పడ్డారు. అది గనుక చిరుకి నచ్చితే వీరిద్దరి కాంబినేషన్ లో సినిమా రావడం గ్యారెంటీ. ఈ మధ్యకాలంలో దర్శకుడిగా ప్రభుదేవా కెరీర్ ఏమంత బాగాలేదు. మెగాస్టార్ సినిమా ఛాన్స్ వస్తే మాత్రం దర్శకుడిగా తన టాలెంట్ ను నిరూపించుకునే అవకాశం వచ్చినట్లే. మరేం జరుగుతుందో చూడాలి!