ప్రముఖ డైరెక్టర్లలో ఒకరైన ప్రభుదేవాకు ఈ మధ్య కాలంలో క్రేజ్ తగ్గిన సంగతి తెలిసిందే. సల్మాన్ ఖాన్ హీరోగా ప్రభుదేవా డైరెక్షన్ లో తెరకెక్కిన రాధే సినిమా ప్రేక్షకులను తీవ్రస్థాయిలో నిరాశపరిచింది. గత కొన్నేళ్లుగా హిందీ సినిమాలతో బిజీ అయిన ప్రభుదేవా తెలుగులో మరో సినిమాను తెరకెక్కించి సక్సెస్ సాధించాలని భావిస్తున్నారు. సెకండ్ ఇన్నింగ్స్ లో చిరంజీవి జోరు చూపిస్తున్న సంగతి తెలిసిందే. ఆచార్య షూటింగ్ దాదాపుగా పూర్తి కాగా ప్రస్తుతం చిరంజీవి గాడ్ ఫాదర్ సినిమాలో నటిస్తున్నారు.
ఈ సినిమాతో పాటు చిరంజీవి భోళాశంకర్ సినిమాలో, బాబీ డైరెక్షన్ లో ఒక సినిమాలో నటిస్తున్నారు. ఏపీలో టికెట్ రేట్లు పెరిగితే ఆచార్య రిలీజ్ డేట్ కు సంబంధించి క్లారిటీ వచ్చే అవకాశం ఉంది. చిరంజీవితో సినిమాను తెరకెక్కించాలని భావిస్తున్న డైరెక్టర్లలో సంపత్ నంది, ప్రభుదేవా ఉన్నారని సమాచారం. చిరంజీవి హీరోగా ప్రభుదేవా డైరెక్షన్ లో శంకర్ దాదా జిందాబాద్ సినిమా తెరకెక్కగా ఆ సినిమా బాక్సాఫీస్ వద్ద ఆశించిన స్థాయిలో సక్సెస్ సాధించలేదు.
ఈ కాంబినేషన్ లో సినిమా నిజంగా వస్తుందో లేదో తెలియాల్సి ఉంది. ప్రస్తుతం చిరంజీవి గ్రీన్ సిగ్నల్ ఇచ్చిన సినిమాలు పూర్తి కావాలంటే కనీసం ఏడాది సమయం పట్టే ఛాన్స్ ఉంది. చిరంజీవి తరువాత సినిమాల గురించి క్లారిటీ రావాలంటే మరికొన్ని రోజులు ఆగాల్సిందే. చిరంజీవి వయస్సుకు తగిన పాత్రలను ఎంచుకుంటూ విజయాలను సొంతం చేసుకుంటున్నారు. వచ్చే ఏడాది చిరంజీవి నటించిన మూడు సినిమాలు రిలీజయ్యే ఛాన్స్ ఉంది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home