మెగా పవర్ స్టార్ రామ్ చరణ్ తేజ్, సుకుమార్ దర్శకత్వంలో చేస్తున్న సినిమా షూటింగ్ వేగంగా జరుగుతోంది. పక్కా గ్రామీణ నేపథ్యంలో సాగే ఇరవైఏళ్ళ క్రితం కథలో చెర్రీ పల్లెటూరి కుర్రోడిగా నటిస్తున్నారు. రేపల్లె అనే టైటిల్ ని పరిశీలిస్తున్న ఈ చిత్రం గత నెలలో మొదటి షెడ్యూల్ పూర్తి చేసుకుంది. రాజమండ్రి, కొల్లేరు పరిసర ప్రాంతాల్లో ఏప్రిల్ 24 వరకు జరిగిన షెడ్యూల్లో రామ్ చరణ్, సమంత, అనసూయలపై కొన్ని సీన్లు షూట్ చేశారు. గతవారం రెండో షెడ్యూల్ హైదరాబాద్ లో ప్రారంభమయింది.
ఎండలను సైతం లెక్కచేయకుండా షూటింగ్ లో రామ్ చరణ్ , సమంత పాల్గొంటున్నారు. ఈ షూటింగ్ లో విలక్షణ నటుడు ప్రకాష్ రాజ్ జాయిన్ అయ్యారు. సుకుమార్ దర్శకత్వంలో తెరకెక్కిన ‘జగడం’ సినిమాలో ప్రకాష్ రాజ్ నటించారు. మళ్లీ దాదాపు 10 ఏళ్ల తర్వాత ఈ సినిమాలో నటిస్తున్నారు. అతని పాత్రను సుకుమార్ ప్రత్యేక శ్రద్ధతో రూపొందించినట్టు సమాచారం. మైత్రి మూవీ మేకర్స్ వారు నిర్మిస్తున్న ఈ సినిమాకి రత్నవేలు సినిమాటోగ్రఫీ, దేవిశ్రీ ప్రసాద్ సంగీతం అందిస్తున్నారు. ధృవ మూవీ తరవాత చెర్రీ చేస్తున్న ఈ చిత్రం పై భారీ అంచనాలు ఉన్నాయి.
Also, do SUBSCRIBE to our YouTube channel to get latest Tollywood updates.
