నాని నిర్మాణంలో ‘అ!’ అనే చిత్రాన్ని తెరకెక్కించి మంచి గుర్తింపు సంపాదించుకున్నాడు దర్శకుడు ప్రశాంత్ వర్మ. దాని తరువాత రాజశేఖర్ తో ‘కల్కి’ అనే యాక్షన్ థ్రిల్లర్ మూవీని తెరకెక్కించాడు. అటు తరువాత ‘జాంబీ రెడ్డి’ అనే డిఫరెంట్ జోనర్ మూవీని తెరకెక్కించాడు. ఇవి మూడు కూడా ఒకదానితో ఒకటి సంబంధం లేని.. వైవిధ్యమైన కథనాలతో కూడుకున్న సినిమాలు. అయితే ఈ రోజు తన కొత్త సినిమాని అనౌన్స్ చేశాడు ప్రశాంత్ వర్మ. ఇది కూడా డిఫరెంట్ జోనారే..!
‘హనుమాన్’ పేరుతో ఈ చిత్రం రూపొందనుంది. ‘ది ఫస్ట్ ఒరిజినల్ సూపర్ హీరో ఫిలిం ఇన్ తెలుగు’ అంటూ ఈ ప్రాజెక్టుని అనౌన్స్ చేసాడు ప్రశాంత్ వర్మ. అయితే ఇది ‘ఆదిపురుష్’ కు పోటీ అయితే కాదు కదా అంటూ సోషల్ మీడియాలో డిస్కషన్లు మొదలయ్యాయి. ప్రభాస్ నటిస్తున్న ‘ఆదిపురుష్’ అనే ప్రెస్టీజియస్ ప్రాజెక్ట్ ని బాలీవుడ్ దర్శకుడు ఓం రౌత్ తెరకెక్కిస్తున్నాడు. రామాయణంలోని మనకు తెలియని అంశాన్ని ఆయన ఈ సినిమాలో చూపించనున్నాడు.
రూ.500 కోట్ల భారీ బడ్జెట్ తో ఈ చిత్రాన్ని ‘టి సిరీస్’ వారు నిర్మిస్తున్నారు.అయితే ఇందులో హనుమంతుడు పాత్ర ఎవరు చేస్తున్నారు.. ఆ పాత్ర ఎలా ఉండబోతుంది? అనే విషయాన్ని మాత్రం ‘ఆదిపురుష్’ టీం రివీల్ చెయ్యలేదు. ఈ క్రమంలో. ప్రశాంత్ వర్మ ‘హనుమాన్’ అనే చిత్రాన్ని అనౌన్స్ చేసిన తరుణంలో.. ఇది ‘ఆదిపురుష్’ కు పోటీగా తెరకెక్కిస్తున్నాడా? అంటూ ఫన్నీ కామెంట్స్ మొదలయ్యాయి. అయితే ‘హనుమాన్’ కాన్సెప్ట్ ఏంటి అనే విషయాన్ని కూడా దర్శకుడు ప్రశాంత్ వర్మ రివీల్ చేయకపోవడం విశేషం.
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home
