ట్రోలింగ్ పై స్పందించిన ప్రశాంత్ నీల్!

టాలీవుడ్ స్టార్ హీరో ప్రభాస్ ప్రధాన పాత్రలో దర్శకుడు ప్రశాంత్ నీల్ సినిమా చేయబోతున్నట్లు ప్రకటించిన సంగతి తెలిసిందే. ఈ సినిమాకి ‘సలార్’ అనే టైటిల్ ని ఫిక్స్ చేశారు. ప్రశాంత్ నీల్ ఈ సినిమా అనౌన్స్ చేసిన వెంటనే కన్నడ ఫ్యాన్స్ అతడిపై ట్రోలింగ్ మొదలుపెట్టారు. కన్నడ హీరోలను పక్కన పెట్టి వేరే ఇండస్ట్రీకి చెందిన హీరోతో సినిమా అనౌన్స్ చేయడాన్ని కన్నడ ప్రేక్షకులు తట్టుకోలేక.. ప్రశాంత్ ని ట్రోల్ చేశారు. తాజాగా ఈ ట్రోలింగ్ పై ప్రశాంత్ నీల్ స్పందించాడు. ‘సలార్’ సినిమాలో హీరోతో పాటు కీలక పాత్రల్లో ఎవరూ కన్నడ ఆర్టిస్టులు ఉండరనే విషయాన్ని ప్రశాంత్ ఒప్పుకున్నారు.

తన తదుపరి సినిమాకు ప్రభాస్ ను ఎందుకు తీసుకున్నారో వివరించారు. తన కథకు అమాయకమైన లుక్స్ ఉండే స్టార్ హీరో కావాలని.. ప్రభాస్ లో ఆ లక్షణాలు పుష్కలంగా ఉన్నాయని అన్నారు. అలాంటి క్వాలిటీ ఉన్న మరో హీరో తనకు కనిపించలేదని.. ప్రభాస్ అయితే తెరపై అమాయకత్వాన్ని అద్భుతంగా పండిస్తాడని అన్నారు. ‘సలార్’ లాంటి డార్క్ యాక్షన్ సినిమాకి అమాయకత్వంతో పనేంటనే విషయంపై కూడా ప్రశాంత్ క్లారిటీ ఇచ్చారు. ఇన్నోసెంట్ గా ఉండే హీరో కరుడుగట్టిన నాయకుడిగా ఎలా మారాడో తన సినిమాలో చూపించబోతున్నట్లు తెలిపాడు.

ఈ క్రమంలో ‘సలార్’ అనే పదానికి అర్ధం కూడా చెప్పారు. ఈ పదానికి చాలా భాషల్లో చాలా అర్ధాలు ఉన్నాయట. కానీ సాధారణంగా అందరూ చెప్పుకునే అర్ధం ఏంటంటే.. కమాండర్-ఇన్-చీఫ్. తన సినిమాకి సంబంధించి ‘సలార్’ అంటే కుడిభుజం లాంటి ఓ వ్యక్తి జనరల్ గా ఎలా ఎదిగాడనే విషయాన్ని చూపించబోతున్నాడట దర్శకుడు ప్రశాంత్.

Most Recommended Video