ప్రశాంత్ వర్మ మెయిన్ టార్గెట్ అదేనట..!

అదేంటో.. ఇప్పుడు చాలా మంది యంగ్ డైరెక్టర్లు బాలయ్యనే టార్గెట్ చేశారు. ఎలాగైనా బాలయ్య తో సినిమా చెయ్యాలని తెగ ప్రయత్నాలు చేస్తున్నారు. ప్రస్తుతం బోయపాటి శ్రీను డైరెక్షన్లో సినిమా చేస్తున్న బాలయ్య… ఆ తరువాత ఏ దర్శకుడితో సినిమా చేస్తాడు అనే విషయం పై ఇంకా స్ట్రాంగ్ గా ఫిక్స్ అవ్వలేదు.తన కొడుకు మోక్షజ్ఞ ను హీరోగా లాంచ్ చెయ్యడానికి సరైన దర్శకుడిని వెతికే పనిలో బిజీగా ఉన్నట్లు ఇన్సైడ్ టాక్. అయితే అనిల్ రావిపూడి, గోపీచంద్ మలినేని వంటి యంగ్ డైరెక్టర్లు బాలకృష్ణ తో సినిమా చెయ్యాలని ఆశపడుతున్నట్టు తెలుస్తుంది.

ఈ లిస్ట్ లో జాంబీ రెడ్డి దర్శకుడు ప్రశాంత్ వర్మ కూడా ఉన్నాడు. బాలయ్యతో రొటీన్ గా కాకుండా… ఓ సస్పెన్స్ ఎలిమెంట్స్ తో కూడుకున్న.. కమర్షియల్ సినిమా చెయ్యాలని ప్రశాంత్ వర్మ డ్రీమ్. ఇందులో బాలయ్యను పోలీస్ గా చూపిస్తాడట. అ! సినిమా టైంలోనే బాలయ్యను కలిసి కథ చెప్పాడట ప్రశాంత్ వర్మ. కానీ బాలయ్య అప్పుడు.. తన తండ్రి .. రామారావు గారి బయోపిక్ కారణంగా బిజీగా ఉండడంతో .. అప్పుడు ప్రశాంత్ వర్మ కు నొ చెప్పినట్టు తెలుస్తోంది.

పైగా అటు తరువాత ప్రశాంత్ వర్మ తెరకెక్కించిన కల్కి చిత్రం కూడా ఫ్లాప్ అవ్వడంతో ప్రశాంత్ వర్మ కూడా బాలయ్య ను మరో మారు సంప్రదించలేదు. అయితే నిన్న విడుదలైన జాంబీ రెడ్డి చిత్రానికి మంచి స్పందన లభిస్తోంది. ఈ నేపథ్యంలో మరోసారి బాలయ్య ను సంప్రదించి కథ వినిపించాలని ప్రశాంత్ వర్మ భావిస్తున్నాడట. చూడాలి మరి.. బాలయ్య ఏమంటాడో..!

Most Recommended Video

జాంబీ రెడ్డి సినిమా రివ్యూ & రేటింగ్!
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా
శృతీ ఈ సినిమాలను రిజెక్ట్ చేసి మంచి పనే చేసిందా..?