వరుణ్ తేజ్ లిస్ట్ లో మరో సినిమా!

మెగా ఫ్యామిలీ హీరో వరుణ్ తేజ్ మొదటి నుండి కూడా తన సినిమా స్క్రిప్ట్ ల విషయంలో ఆచితూచి వ్యవహరిస్తుంటాడు. ఒక సినిమా పూర్తయిన తరువాత మరొక సినిమా చేస్తూ హిట్లు అందుకుంటున్నాడు. ‘ఎఫ్2’, ‘గడ్డలకొండ గణేష్’ సినిమాలతో బ్యాక్ టు బ్యాక్ హిట్స్ అందుకున్న ఈ హీరో ప్రస్తుతం కిరణ్ కొర్రపాటి అనే నూతన దర్శకుడు రూపొందిస్తోన్న ‘గని’ అనే సినిమాలో నటిస్తున్నాడు. అలానే ‘ఎఫ్2’ సీక్వెల్ ‘ఎఫ్3’ సినిమా కూడా సెట్స్ పై ఉంది.

ఈ రెండు సినిమాలు ఈ ఏడాదిలోనే ప్రేక్షకుల ముందుకు రానున్నాయి. వీటి తరువాత వరుణ్ తేజ్ ఏ డైరెక్టర్ తో సినిమా చేయబోతున్నాడనే విషయంలో క్లారిటీ వచ్చేసింది. కొన్నాళ్లుగా వరుణ్ తేజ్ ని కలుస్తూ కథలు వినిపిస్తోన్న దర్శకుడు ప్రవీణ్ సత్తారుకి ఈ మెగా హీరో గ్రీన్ సిగ్నల్ ఇచ్చినట్లు తెలుస్తోంది. ఈ సినిమాను భోగవిల్లి ప్రసాద్ నిర్మించబోతున్నట్లు సమాచారం. ఈ సినిమాను పూర్తిగా లండన్ లోనే చిత్రీకరించాల్సి ఉంటుంది.

అయితే ఇంకా షూటింగ్ మొదలుపెట్టడానికి సమయం ఉంది కాబట్టి ఆ సమయానికి లండన్ పరిస్థితి మెరుగు పడుతుందని అంచనా వేస్తున్నారు. త్వరలోనే ఈ సినిమాకి సంబంధించిన అధికార ప్రకటన రానుంది. అయితే ఈ సినిమా కంటే ముందుగా ప్రవీణ్ సత్తారు.. నాగార్జునతో ఓ సినిమా చేయాల్సివుంది. ప‌క్కా యాక్షన్‌ ఎంటర్‌టైనర్‌గా ఈ సినిమాను రూపొందించనున్నారు. అది పూర్తయిన తరువాతే వరుణ్ తేజ్ తో సినిమా ఉంటుంది.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!