టాలీవుడ్ ఇండస్ట్రీలోకి టెర్రర్ సినిమా ద్వారా ఎంట్రీ ఇచ్చి అనంతరం పెళ్లిచూపులు సినిమాతో ఎంతో మంచి గుర్తింపు సంపాదించుకున్న నటుడు ప్రియదర్శి గురించి ప్రత్యేకంగా చెప్పాల్సిన పనిలేదు. ఇలా పలు సినిమాలలో హీరో ఫ్రెండ్ పాత్రలలో నటిస్తూ కమెడియన్ గా ఎంతో పేరు ప్రఖ్యాతలు సంపాదించుకున్న ప్రియదర్శి తాజా ప్రసారమవుతున్న ఓ కార్యక్రమంలో పాల్గొని సందడి చేశారు.ఈ క్రమంలోనే ఈ ఇంటర్వ్యూ సందర్భంగా ఈయన ఎన్నో ఆసక్తికరమైన విషయాలను తెలిపారు.
ఈ సందర్భంగా ప్రియ దర్శి మాట్లాడుతూ తాను షార్ట్ ఫిలిమ్స్ చేస్తూ ఇండస్ట్రీలోకి రావాలని ప్రయత్నిస్తున్న సమయంలో తన తల్లిదండ్రులు ఇండస్ట్రీలోకి రావడానికి ఒప్పుకోలేదని తెలిపారు.అయితే కెమెరా వర్క్ నేర్చుకున్నట్టు ఇంట్లో వారికి చెప్పి ఆ విధంగా ఇండస్ట్రీలోకి అడుగు పెట్టానని ప్రియదర్శి వెల్లడించారు.ముందుగా టెర్రర్ సినిమాకు తను ఆడిషన్స్ జరుగుతుంటే వెళ్లానని అయితే తనని రిజెక్ట్ చేసి చివరికి ఆ పాత్రకు తానే కరెక్ట్ గా సరిపోతానని భావించి పిలిచి మరీ తనకు అవకాశం ఇచ్చారని ప్రియదర్శి వెల్లడించారు.
ఇక ఇంటర్వ్యూ సందర్భంగా ఈయన మాట్లాడుతూ తాను కూడా అవకాశాల కోసం ఆఫీసులో చుట్టూ తిరుగుతున్న సమయంలో ఎంతోమంది నన్ను నల్లగా ఉన్నానని చాలా పొడవుగా ఉన్నానంటూ అవమానించారని తెలిపారు. ఇలా ఇండస్ట్రీ గురించి తన కెరీర్ గురించి ఎన్నో ఆసక్తికరమైన విషయాలను తెలియచేసిన ప్రియదర్శి బయోపిక్ సినిమాల గురించి కూడా మాట్లాడారు. ఇప్పటికే మల్లేశం వంటి బయోపిక్ చిత్రం ద్వారా ప్రేక్షకుల ముందుకు వచ్చిన ఈయన తాజాగా మరొక బయోపిక్ చిత్రం గురించి మాట్లాడారు.
తనకు కొమరం భీమ్ బయోపిక్ చిత్రంలో నటించాలని ఉందంటూ ఈ సందర్భంగా ఈయన వెల్లడించారు. అలాగే కాళోజి జీవిత చరిత్ర, శాంత బయోటెక్ వరప్రసాద్, రామోజీరావు గార్ల బయోపిక్ లు తీయాలి. ఇలా ఈ బయోపిక్ చిత్రాలలో నేను నటించాలని కాదు కానీ అలాంటి గొప్ప వారి చరిత్ర ప్రతి ఒక్కరు తెలుసుకోవడం కోసం బయోపిక్ చిత్రాలను చేయాలంటూ ఈ సందర్భంగా ఈయన బయోపిక్ సినిమాల గురించి ఆసక్తికరమైన వ్యాఖ్యలు చేశారు.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
