‘టాక్సీవాలా’ సినిమాతో హీరోయిన్ గా మంచి గుర్తింపు తెచ్చుకుంది ప్రియాంక జవాల్కర్. అయితే ఈ సినిమా విడుదలై చాలా కాలం అవుతున్నా.. ఇప్పటివరకు ఆమె నుండి మరో సినిమా రాలేదు. కానీ ఆమె చేతిలో చాలా ప్రాజెక్ట్ లు ఉన్నాయి. ఈ మూడేళ్లలో తాను ఏ ఒక్కరోజులు ఖాళీగా లేనని.. సినిమా షూటింగ్ లతో బిజీగా ఉన్నట్లు చెప్పుకొచ్చింది. తాజాగా ఆమె తనకు సంబంధించిన కొన్ని వ్యక్తిగత విషయాలను పంచుకుంది.
ఆ మధ్య ప్రియాంకకు సంబంధించిన ఓ ఫోటో ఇంటర్నెట్ లో చక్కర్లుకొట్టింది . కాస్త బొద్దుగా.. మొహం మీద మొటిమలతో ఆ ఫొటోలో కనిపించింది ప్రియాంక. ఇది చూసిన నెటిజన్లు ఆమెని ట్రోల్ చేశారు. ఈ ట్రోలింగ్ పై అమ్మడు ఘాటుగానే స్పందించింది. అయితే అప్పుడు అలా ఉండడానికి ఆరోగ్య సమస్యలే కారణమని చెప్పుకొచ్చింది ఈ బ్యూటీ. ‘టాక్సీవాలా’ సినిమా తరువాత తాను చాలా బరువు పెరిగానని.. థైరాయిడ్ సమస్యతో పాటు హార్మోన్ల అసమతౌల్యం వలనే అనారోగ్యానికి గురైనట్లు కానీ ఆ సంగతి గుర్తించలేకపోయానని చెప్పింది.
ఒకానొక సమయంలో మొహం మీద మొటిమలు విపరీతంగా రావడంతో హాస్పిటల్ కి వెళ్లి పరీక్షలు చేయించుకున్నట్లు.. అప్పుడే తనకున్న సమస్యలు బయటపడ్డాయని చెప్పుకొచ్చింది. ఆ సమయంలో చాలా భయపడిపోయానని.. వ్యాయామాలు, యోగా చేయడం మొదలుపెట్టినట్లు తెలిపింది. ఇక తెలుగమ్మాయిలకు ఇండస్ట్రీలో అవకాశాలు రావనే విషయంపై తన అభిప్రాయాన్ని తెలియజేసింది.
ఈ మధ్యకాలంలో తెలుగు హీరోయిన్లు బాగానే కనిపిస్తున్నారని.. వాళ్లకి మంచి అవకాశాలు దక్కుతున్నాయని చెప్పారు. చాలా మంది తనను తెలుగమ్మాయి కావడంతో అవకాశాలు కోల్పోయారా..? అని అడుగుతుంటారని .. నిజానికి తనకు అలాంటి పరిస్థితులే ఎదురుకాలేదని చెప్పుకొచ్చింది. కథలు, రెమ్యునరేషన్ విషయాల్లో కొన్ని సినిమాలు చేజారి ఉండొచ్చని చెప్పుకొచ్చింది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
