విజయ్ దేవరకొండ హీరోగా వచ్చిన సూపర్ హిట్ చిత్రం ‘ట్యాక్సీవాలా’ చిత్రంతో హీరోయిన్ గా పరిచయమైంది తెలుగమ్మాయి ప్రియాంక జవాల్కర్. ఆ చిత్రంలో తన గ్లామర్ తో పాటు నటనతోనూ ఆకట్టుకుని ప్రేక్షకులకు దగ్గరరైంది. ఆ చిత్రంతో ఏర్పడ్డ క్రేజ్ ను కాపాడుకునేందుకు ఈమె చాలా శ్రద్దగా కధల్ని ఎంపిక చేసుకుంటుంది. ఈ ఏడాది సత్యదేవ్ హీరోగా వచ్చిన ‘తిమ్మరుసు’ చిత్రంలో ఈమెనే హీరోయిన్. ఆ చిత్రంలో లాయర్ పాత్రలో మంచి పెర్ఫార్మన్స్ ఇచ్చింది.
ఆ చిత్రం కూడా డీసెంట్ హిట్ అనిపించుకుంది. అటు తర్వాత ‘ఎస్.ఆర్.కళ్యాణమండపం’ చిత్రంతో మరో కమర్షియల్ హిట్ ను తన ఖాతాలో వేసుకుంది. ఇప్పుడు మరో చిత్రంతో ప్రేక్షకుల ముందుకు రాబోతుంది ప్రియాంక.అదే రేపు రిలీజ్ కాబోతున్న ‘గమనం’. సృజనా రావు దర్శకత్వం వహించిన ఈ చిత్రంలో జారా అనే ముస్లిం అమ్మాయి పాత్రలో కనిపించనుంది.టీజర్, ట్రైలర్లు బాగున్నాయి.మంచి కథాబలం ఉన్న సినిమా అనే హోప్ ను క్రియేట్ చేసాయి.
రాజ్ కందుకూరి కొడుకు శివ కందుకూరి ఈ చిత్రంలో హీరోగా నటిస్తున్నాడు. శ్రీయ కూడా ఓ కీలక పాత్ర పోషించింది. ఈ సినిమా కూడా హిట్ అయితే ఈ ఏడాది ఈమె హ్యాట్రిక్ కొట్టిన హీరోయిన్ గా రికార్డు సృష్టించే అవకాశం ఉంది. అంతేకాకుండా మరిన్ని క్రేజీ ఆఫర్లు తలుపుతట్టే అవకాశం కూడా లేకపోలేదు.మరి అది ఎంత వరకు సాధ్యమవుతుందో చూడాలి..!
Most Recommended Video
‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!
