Priyanka Upendra: చాలా రోజుల తర్వాత సినిమా చేస్తున్న ప్రియాంక… మైల్‌ స్టోన్‌ సినిమా!

ఓవైపు ‘యూఐ’ అంటూ ఉపేంద్ర సినిమా రెడీ అవుతుంటే… మరోవైపు ఆయన భార్య మైల్‌ స్టోన్‌ మూవీని రిలీజ్‌కు సిద్ధం చేశారు. అందులో పాన్‌ ఇండియా లెవల్‌లో ఆ సినిమా రిలీజ్‌ కానుంది. దీంతో ఇప్పుడు ఆమె సినిమా మీద పెద్ద ఎత్తున చర్చ జరుగుతోంది. జేడీ చక్రవర్తి సినిమా ‘సూరి’, ఉపేంద్ర ‘రా’ సినిమాలతో ప్రియాంంక ఇప్పటికే తెలుగు ప్రేక్షకులకు పరిచయం. అయితే ఆమె ఇప్పటివరకు 49 సినిమాలు చేశారు. ఇప్పుడు 50వ సినిమాగా ‘డిటెక్టివ్ తీక్షణ’ అనే సినిమా చేశారు.

త్రివిక్రమ్ రఘు దర్శకత్వంలో రూపొందిన ఈ సినిమా ట్రైలర్‌ను కన్నడ, తెలుగు భాషల్లో ఇటీవల విడుదల చేశారు. ఈ సినిమాను తెలుగు, కన్నడ, తమిళ, మలయాళ, ఒడియా, బెంగాలీ, హిందీ భాషల్లో విడుదల చేయడానికి చిత్రబృందం సన్నాహాలు చేస్తోంది. ‘డిటెక్టివ్ తీక్షణ’ సినిమా ట్రైలర్‌ చూస్తే… డైలాగులు తక్కువ, యాక్షన్ ఎక్కువగా కనిపిస్తోంది. కాబట్టి సినిమా కూడా ఇలానే ఉంటుంది అని అంచనా వేస్తున్నారు. ట్రైలర్ ప్రారంభంలోనే వరుస హత్యలు చూపించి కథ ఎలా సాగుతుందో చెప్పారు.

చరిత్రలో ఎన్నడూ చూడని ఓ పెద్ద కేస్ నేపథ్యంలో ఈ సినిమా తెరకెక్కిందని టీమ్‌ అంటోంది. ట్రైలర్‌లో తొలుత విలన్లను పరిచయం చేశారు. అందులో ఒకరి గెటప్ విచిత్రంగా ఉంది. ‘యుద్ధంలో పోరాడేటప్పుడు ఆయుధాల కంటే ఆలోచన ముఖ్యం’ అని ట్రైలర్‌లో చెప్పారు. అలా ఆలోచనతో వ్యవహరించే పాత్ర ప్రియాంకా ఉపేంద్రది చెప్పకనే చెప్పారు. ‘తను వచ్చే వస్తుంది. వాడి సామ్రాజ్యాన్ని ఖచ్చితంగా సర్వనాశనం చేస్తుంది’ కూడా ఓ పాత్రధారితో చెప్పించారు.

ఇలా స్టార్‌ హీరోలకు ఇచ్చిన ఎలివేషన్లు అన్నీ ఈ సినిమాలో (Priyanka Upendra) ప్రియాంక ఉపేంద్రకు ఇచ్చారు అని చెప్పాలి. అంతేకాదు ఈ సినిమాలో ఆమె ఫైట్స్‌ కూడా చేశారు. అయితే ట్రైలర్‌లో కొన్ని ప్రశ్నలు వదిలేసి ఆసక్తిరేకెత్తించారు టీమ్‌. కోర్టు బయట షూట్ చేసుకుని ఆత్మహత్య చేసుకున్నది ఎవరు? డ్రగ్స్ దందా చేస్తోంది ఏ టీమ్‌? తీక్షణ టేకప్ చేసిన కేసు అసలు ఎవరిది? తీక్షణ మీద అటాక్ చేసింది ఎవరు? లాంటి ప్రశ్నలు ట్రైలర్‌లో ఉన్నాయి.

మార్క్ ఆంటోనీ సినిమా రివ్యూ & రేటింగ్!

ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!