రాజమౌళి బాహుబలి తర్వాత చేసే సినిమాని నిర్మించేది అతనే

బాహుబలి సినిమాతో రాజమౌళి స్థాయి అమాంతం పెరిగిపోయింది. అతనితో సినిమా నిర్మించాలని బాలీవుడ్ నిర్మాతలు సైతం క్యూలో ఉన్నారు. భారీ రెమ్యునరేషన్ ఇవ్వడానికి సిద్ధపడుతున్నారు. అయినా జక్కన్న తనకు నచ్చిన దారిలోనే వెళుతున్నారు. ఇచ్చిన మాటను నిలబెట్టుకుంటున్నారు. గతంలో సినిమా చేస్తానని డీవీవీ దానయ్య వద్ద రాజమౌళి అడ్వాన్స్ తీసుకున్నారు. అప్పటి పరిస్థితులు, ఇప్పటి పరిస్థితుల్లో మార్పు వచ్చినా ఆయన బ్యానర్లోనే మూవీ చేస్తానని జక్కన్న స్పష్టం చేసినట్లు సమాచారం.

దీంతో దానయ్య సంతోషించి, ఎంత బడ్జెట్ అయినా ఖర్చుపెట్టేందుకు రెడీగా ఉన్నారు. ప్రస్తుతం ఆయన మహేష్ బాబుతో ‘భరత్ అను నేను’ సినిమాను నిర్మిస్తున్నారు. కొరటాల శివ దర్శకత్వం వహిస్తున్న మూవీ మొదటి షెడ్యూల్ మొదలయింది. దీని తర్వాత రాజమౌళి సినిమాను ప్రొడ్యూస్ చేయనున్నారు. కుటుంబ సభ్యులతో కలిసి విహార యాత్రలో ఉన్న రాజమౌళి .. హైదరాబాద్ కి రాగానే కథా చర్చల్లో నిమగ్నం కానున్నారు. స్టోరీ ఫైనల్ అయిన తర్వాత ఆర్టిస్టుల ఎంపిక ఉంటుంది.

Also, do SUBSCRIBE to our YouTube channel to get latest Tollywood updates.