Puri Jagannadh: హాలీవుడ్ హీరోయిన్ పై పూరి ప్రేమ!

May 17, 2021 / 02:20 PM ISTByFilmy Focus

Join Us

Puri Jagannadh: హాలీవుడ్ హీరోయిన్ పై పూరి ప్రేమ!

టాలీవుడ్ లో స్టార్ డైరెక్టర్ గా గుర్తింపు తెచ్చుకున్న పూరి జగన్నాథ్.. కొంతకాలంగా ‘పూరి మ్యూజింగ్స్’ అనే పేరుతో తన ఆలోచనలను అభిమానులతో పంచుకుంటున్నారు. లాక్ డౌన్ కారణంగా వరుసగా పోడ్ కాస్ట్ ఆడియోలతో అలరిస్తున్నారు పూరి. ఇప్పటికే పలు అంశాలపై స్పందించిన ఆయన ఇటలీ దేశంలో ఉన్న ఒక అందమైన నగరం వెనిస్ గురించి కొన్ని విశేషాలు పంచుకున్నారు. వెనిస్ నగరం గురించి మాట్లాడిన పూరి ఆ నగరంలోనే తాను హాలీవుడ్ నటి ఏంజెలినా జోలీ మంచం మీద కుర్చున్నానని చెప్పుకొచ్చారు.

పూరి జగన్నాథ్ కు ఏంజెలినా జోలీ అంటే చాలా ఇష్టం. ప్రపంచంలోనే ఆమె అంత అందగత్తె లేదంటారు. అలాంటి వ్యక్తికి ఏంజెలినా బెడ్ పై వాలిపోయే ఛాన్స్ వచ్చింది. పూరి వెనిస్ సిటీకు వెళ్లినప్పుడు.. ‘టూరిస్ట్’ అనే సినిమా కోసం వెనిస్ వచ్చిన ఏంజెలినా జోలీ అప్పుడే హోటల్ రూమ్ వెకేట్ చేసి వెళ్లిందని తెలుసుకున్నారు. వెంటనే పూరి అదే హోటల్ కు వెళ్లి.. షూటింగ్ కోసం రూమ్ కావాలని మేనేజర్ కు అబద్దం చెప్పి, ఏంజెలినా రూమ్ కు వెళ్లి.. మేనేజర్ తో మాట్లాడుతూ ఆమె పడుకున్న మంచంపై కాసేపు కూర్చొని వచ్చానని తెలిపారు.

అలా ఏంజెలినా బెడ్ పై కాసేపు కూర్చోవడం తనకు ఎంతో తృప్తిగా అనిపించిందని చెప్పుకొచ్చారు. వెనిస్ నగరంలో ఉన్న ఆ హోటల్ పేరు డానియలీ. మార్క్ స్క్వేర్ పక్కనే ఆ హోటల్ ఉంటుందట. ఇక వెనిస్ నగరం ఎంతో అందంగా ఉంటుందని.. ఆఖరికి డస్ట్ బిన్స్ కూడా ఎంతో అందంగా డిజైన్ చేస్తారని పూరి అన్నారు. అయితే ఈ నగరం రోజురోజుకి మునిగిపోతుంది.. 2030 నాటికి సగం మునిగిపోయి ఘోస్ట్ సిటీ అవుతుందని అంటున్నారని. అందుకే వీలైనంత త్వరగా వెనిస్ ను చూడండి అంటూ పూరి సలహా ఇచ్చారు.