Puri Jagannadh, Charmi: ఛార్మితో రిలేషన్‌పై పూరి తాజా క్లారిటీ!

August 19, 2022 / 08:03 PM ISTByFilmy Focus

Join Us

Puri Jagannadh, Charmi: ఛార్మితో రిలేషన్‌పై పూరి తాజా క్లారిటీ!

ప్రముఖ దర్శకుడు పూరి జగన్నాథ్‌ – నటి, నిర్మాత అయిన ఛార్మి మధ్య ఏం జరుగుతోంది, ఇద్దరి మధ్య ఉన్న అనుబంధం ఏంటి? ఈ ప్రశ్న కొన్నేళ్లుగా టాలీవుడ్‌లో చక్కర్లు కొడుతూనే ఉంది. ‘ఇస్మార్ట్‌ శంకర్‌’ సమయంలో పెద్ద ఎత్తున ఈ విషయంలో చర్చ జరగింది. అంతకుమందు కూడా జరిగినా అప్పుడే ఎక్కడు. ఇప్పుడు ‘లైగర్‌’ విడుదల దగ్గర పడేసరికి మరోసారి ‘ఇద్దరి మధ్య ఏం ఉంది?’ అనే చర్చ ఊపందుకుంది. తాజాగా దీనిపై పూరి జగన్నాథ్‌ స్పందించారు. తనదైన శైలిలో రిలేషన్‌ గురించి చెప్పుకొచ్చారు.

‘‘ఛార్మి 50 ఏళ్ల మహిళ అయితే, ప్రజలు మా ఇద్దరి మధ్య ఉన్న బంధం గురించి పట్టించుకోరు. అంతేకాదు ఆమె ఊబకాయంతో ఉన్నా, ఆమె మరో వ్యక్తిని పెళ్లి చేసుకున్నా.. మా విషయంలో ఎవరికీ ఎలాంటి చింతా ఉండదు. కానీ ఇప్పుడు ఆమె యుక్త వయసులో ఉంది. దీంతో ఇద్దరి మధ్య ఏదో సంబంధం ఉందని కొంతమంది అనుకుంటున్నారు. ప్రతి జంటకు రొమాంటిక్‌ యాంగిల్‌, అట్రాక్షన్‌ ఉంటుంది. అయితే అది త్వరగా తగ్గిపోతుంది’’ అంటూ రిలేషన్‌, అట్రాక్షన్‌ గురించి చెప్పారు పూరి.

‘‘జంట మధ్య వచ్చే కోరికలు, ఆలోచనలు కొన్ని రోజులకు పోతాయి. స్నేహం మాత్రమే కలకాలం ఉంటుంది. ఛార్మి నాకు 13 ఏళ్ల వయసు నుండి తెలుసు. 20 ఏళ్లుగా ఆమెను నేను చూస్తున్నాను’’ అంటూ ఛార్మితో తనకున్న రిలేషన్‌ పూరి జగన్నాథ్‌ వివరించారు. మరోవైపు ఈ సినిమా చిత్రీకరణ సమయంలో డబ్బులు లేక ఇబ్బంది పడినప్పుడు పూరి జగన్నాథ్‌ చాలా ధైర్యంగా నిలిచారని ఛార్మి మెచ్చుకుంది. ఆయనలా స్ట్రాంగ్‌గా ఉండబట్టే.. సినిమా ఇప్పుడు ప్రేక్షకుల ముందుకొస్తోంది అని చెప్పారు.

ఇక ‘లైగర్‌’ సినిమా విషయానికొస్తే.. ఆగస్టు 25న ఈ సినిమాను విడుదల చేస్తున్నారు. విజయ్‌ దేవరకొండ, అనన్య పాండే జంటగా నటిస్తున్న ఈ చిత్రానికి పూరి జగన్నాథ్‌ దర్శకుడు. ఛార్మి, పూరి జగన్నాథ్‌, కరణ్‌ జోహార్‌ ఈ సినిమాను నిర్మించారు. మిక్స్‌డ్‌ మార్షల్‌ ఆర్ట్స్‌ నేపథ్యంలో ఈ సినిమా రూపొందింది.