పూరి జగన్నాథ్ తన కూతురుని ఎలా పరిచయం చేయబోతున్నారంటే ?

డేరింగ్ డైరక్టర్ పూరి జగన్నాథ్ నిత్యం సినిమా గురించే ఆలోచిస్తుంటారు. అతని బాటలోనే తమ్ముడు సాయి రామ్ శంకర్ నడిచారు. అంతేకాదు పూరి తనయుడు ఆకాష్ హీరోగా పరిచయమయ్యాడు. అతను నటించిన ఆంధ్ర పోరి విజయవంతం కాకపోవడంతో తండ్రి వద్ద అసిస్టెంట్  డైరక్టర్ గా పని చేస్తూ సినీ నిర్మాణంలోని అన్ని శాఖలపై పట్టు సాధిస్తున్నారు. ఇక పూరి కూతురు పవిత్ర కి కూడా సినిమా రంగమంటే ఇష్టం. అప్పుడప్పుడు తండ్రితో కలిసి సెట్ లో కనిపించే ఈ అమ్మాయికి నిర్మాతగా మారాలనే కోరిక ఉందంట. ఆ విషయాన్నీ పూరికి చెప్పడంతో ఆయన సంతోషంగా అంగీకరించినట్లు తెలిసింది. అందుకే పవిత్ర సినిమా నిర్మాణాన్ని దగ్గరుండి చూస్తోంది.

పైసా వసూల్ సినిమా ప్రారంభం నుంచి చివరి వరకు ప్రతి విషయాన్నీ క్షుణ్ణంగా అధ్యయనం చేసినట్లు సమాచారం.  చిన్న బడ్జెట్ తో తెరకెక్కే కథలను కూడా వినడం కూడా మొదలు పెట్టినట్లు ఫిలిం నగర్ వాసులు చెబుతున్నారు. మరి పవిత్ర తన నిర్మాణంలో వచ్చే సినిమాకి ఏ డైరక్టర్ ని ఎంచుకుంటుందో అనేది ఇప్పుడు ఆసక్తికరంగా మారింది. తన అన్న ఆకాష్ ని డైరక్టర్ గా పరిచయం చేస్తుందని కొంతమంది అంచనా వేస్తున్నారు.

Also, do SUBSCRIBE to our YouTube channel to get latest Tollywood updates.