వైరల్ అవుతున్న నాగార్జున- పూరి పిక్..!

March 16, 2020 / 04:32 PM ISTByFilmy Focus

Join Us

టాలీవుడ్ లో రాంగోపాల్ వర్మ తెరకెక్కించిన ‘శివ’ చిత్రం ఓ గేమ్ చేంజర్ మూవీ. అప్పటి వరకూ ఎన్నో మాస్ సినిమాలు వచ్చాయి.. కాలేజీ బ్యాక్ డ్రాప్ లో కూడా సినిమాలు వచ్చాయి. కానీ ‘శివ’ సినిమాలో ఉన్న ఇంటెన్సిటీ ముందు వచ్చిన చిత్రాల్లో అంత ఉండదు.. అందుకే ఈ చిత్రం ఇండస్ట్రీ హిట్ అయ్యింది. ఈ చిత్రంలో నాగార్జున సైకిల్ చైన్ తెంచి రౌడీలను చితక్కొట్టే సీన్ కు… అన్ని క్లాస్ ఆడియన్స్ కు గూజ్ బంప్స్ తెప్పించడమే కాకుండా.. విజిల్స్ వేయించాయి. ఈ చిత్రం వచ్చి 30 ఏళ్ళు అయ్యింది.

Puri Jagannadh in Nagarjuna's Siva Movie1

అయితే తన గురువు లాగానే పూరి కూడా ‘పోకిరి’ అనే చిత్రాన్ని తెరకెక్కించి ఇండస్ట్రీ హిట్ కొట్టిన సంగతి తెలిసిందే. ఇదిలా ఉంటే.. ‘శివ’ సినిమాకి పూరి అసిస్టెంట్ డైరెక్టర్ గా పనిచేసాడని విషయం కూడా అందరికీ తెలుసు. అయితే ఈ చిత్రంలో పూరి కూడా నటించాడన్న సంగతి చాలా మందికి తెలీదు. అయితే తెలుగు వెర్షన్ లో కాదులెండి. హిందీ వెర్షన్ లో..! స్టూడెంట్ లీడర్ గా ఉన్న నాగార్జున గ్యాంగ్ లో ఓ వ్యక్తిగా పూరి జగన్నాథ్ నిలబడి ఉన్న ఫోటో ఒకటి బయటకి వచ్చింది. ప్రస్తుతం ఈ ఫోటో సోషల్ మీడియాలో తెగ వైరల్ అవుతుంది. ఇక పూరి… నాగార్జునతో ‘శివమణి’ ‘సూపర్’ వంటి చిత్రాలు తెరకెక్కించిన సంగతి తెలిసిందే.