కిందపడితే బలంగా లేవాలని అంటుంటారు పెద్దలు. ఎంత బలంగా అనేది మాత్రం వాళ్లు చెప్పారు. ఇలాంటప్పుడు ఓ లైవ్‌ ఎగ్జాంపుల్‌ను చూస్తే.. మనకు బాగా క్లారిటీ వస్తుంది కదా. అలాంటి లైవ్‌ ఎంగ్జాంపుల్‌ ప్రముఖ దర్శకుడు పూరి జగన్నాథ్‌. దర్శకుడిగా కెరీర్‌లో ఆయన చూడని సూపర్‌ హిట్‌లు లేవు, అట్టర్‌ ఫ్లాప్‌లు లేవు. అన్ని రకాల ఫలితాలను ఇప్పటికే రుచి చూశారాయన. అందుకేనేమో సినిమా పోయింది అంటే.. కేవలం పోయింది అనే అనుకుంటారు. కొత్త సినిమాకు రెడీ అయిపోతారు. ఇప్పుడు కూడా ‘లైగర్‌’ తర్వాత ఆయన అదే పనిలో ఉన్నారట.
‘వాట్‌ లగా దేంగే’, ‘దేశాన్ని షేక్‌ చేస్తాం’ అంటూ విజయ్‌ దేవరకొండ ఇచ్చిన హైప్‌కి.. ‘లైగర్‌’ మీద విజయ్‌ ఫ్యాన్స్‌, పూరి జగన్నాథ్‌ ఫ్యాన్స్‌ చాలా ఎక్కువ హైప్‌ క్రియేట్‌ చేసుకుని థియేటర్లకు వెళ్లారు. అయితే సినిమాలో విజయ్‌ దేవరకొండ చెప్పినంత స్టఫ్‌ లేకపోయేసరికి నిరాశకు గురయ్యారు. పూరి కెరీర్‌లో మరో భారీ ఫ్లాప్‌ అయ్యి కూర్చుంది. ఆయన రాత, డైరక్షన్‌లో సమస్యలు ఉన్నప్పటికీ.. లేని హైపే సినిమా భారీ పరాజయానికి కారణం అని చెప్పొచ్చు. దీంతో నెక్స్ట్‌ సినిమా బలంగా ఉండాలని ఫిక్స్‌ అయ్యారట. ప్రస్తుతం అదే పనిలో ఉన్నారు అని తెలుస్తోంది.
అయితే టాలీవుడ్‌లో గత కొన్ని రోజులుగా ఓ చర్చ నడుస్తోంది. పూరి జగన్నాథ్‌తో సినిమా కోసం హీరోలు ఎవరూ ముందుకు రావడం లేదని చెబుతున్నారు. పూరి మీద నమ్మకం లేకనా, లేక వరుస సినిమాలు ఉండా? అనేది తెలియాల్సి ఉంది. ఈ క్రమంలో పూరి జగన్నాథ్‌ ముందు రెండు ఆప్షన్లు ఉన్నాయి అంటూ ఓ చర్చ కూడా సాగింది. అందులో తొలుత తనయుడు ఆకాశ్‌ అయితే, రెండోది నందమూరి బాలకృష్ణ. ‘పైసా వసూల్‌’తో ఇద్దరికీ మంచి సింక్‌ కుదిరిందనే విషయం తెలిసిందే.
దీంతో ప్రస్తుతం పూరి జగన్నాథ్‌ గోవాలో రాస్తున్న స్క్రిప్ట్‌ ఆ ఇద్దరిలో ఒకరి కోసమే అని అంంటున్నారు. కానీ పూరి సన్నిహిత వర్గాలు మాత్రం అలా అనడం లేదు. ప్రస్తుతం ఆయన కథ పని మీద ఉన్నారని, ఆ తర్వాత అది ఎవరికి సరిపోతుందో చూసి అప్పుడు హీరో గురించి ప్రయత్నాలు చేస్తారు అని చెబుతున్నారు. మరి ఇప్పుడు పూరి కథ ఎవరి కోసం రాస్తున్నారు అనేది తెలియాల్సి ఉంది.
Most Recommended Video
అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!
Home
