గత కొన్నేళ్లలో పూరీ జగన్నాథ్ డైరెక్షన్ లో తెరకెక్కిన సినిమాలలో బ్లాక్ బస్టర్ హిట్ గా నిలిచిన సినిమా ఏదనే ప్రశ్నకు ఇస్మార్ట్ శంకర్ పేరు సమాధానంగా వినిపిస్తుంది. క్రిటిక్స్ నుంచి నెగిటివ్ రివ్యూలు వచ్చినా ఈ సినిమా కమర్షియల్ గా సక్సెస్ సాధించి పూరీ జగన్నాథ్ కు నిర్మాతగా కూడా భారీ లాభాలను అందించడం గమనార్హం. అయితే ఇస్మార్ట్ శంకర్ సక్సెస్ తో పూరీ జగన్నాథ్ కు వచ్చిన మంచి పేరు లైగర్ సినిమాతో పోయిందనే చెప్పాలి.
లైగర్ సినిమా నష్టాలు భారీస్థాయిలో ఉండగా లైగర్ నష్టాల బాధ్యత పూరీ జగన్నాథ్ పై ఎక్కువగా పడిందని కామెంట్లు వ్యక్తమవుతున్నాయి. లైగర్ ఫ్లాప్ వల్ల విజయ్ దేవరకొండ పూరీ జగన్నాథ్ కాంబినేషన్ లో తెరకెక్కాల్సిన మరో సినిమా అయిన జేజీఎం కూడా తాత్కాలికంగా వాయిదా పడినట్లేనని తెలుస్తోంది. ఇప్పటికే ఈ సినిమాకు సంబంధించిన ఒక షెడ్యూల్ పూర్తైనా ఈ ప్రాజెక్ట్ ను ప్రస్తుతానికి వాయిదా వేయడమే మంచిదని మేకర్స్ ఫిక్స్ అయ్యారని బోగట్టా.
మై హోమ్ సంస్థ ఇప్పటికే జేజీఎం ప్రాజెక్ట్ కోసం 20 కోట్ల రూపాయలు ఖర్చు చేయగా పూరీ జగన్నాథ్ ఇస్మార్ట్ శంకర్2 సినిమా ద్వారా విజయ్ దేవరకొండ మరో సినిమా ద్వారా ఆ నష్టాలను భర్తీ చేయనున్నారని సమాచారం అందుతోంది. ఇస్మార్ట్ శంకర్ సినిమాకు సీక్వెల్ గా రామ్ హీరోగా ఇస్మార్ట్ శంకర్2 తెరకెక్కనుందని బోగట్టా. ఇస్మార్ట్ శంకర్ సీక్వెల్ కు సంబంధించి అద్భుతమైన ఐడియా తన దగ్గర ఉండటంతో పూరీ జగన్నాథ్ ఈ నిర్ణయం తీసుకున్నారని తెలుస్తోంది.
ఇస్మార్ట్ శంకర్2 సినిమాతో పూరీ జగన్నాథ్ సక్సెస్ ట్రాక్ లోకి వస్తారేమో చూడాల్సి ఉంది. పూరీ జగన్నాథ్ అభిమానులు మాత్రం జేజీఎం ప్రాజెక్ట్ పూరీ జగన్నాథ్ కు అచ్చిరావడం లేదని ఈ సినిమాకు సంబంధించి ప్రతిసారి ఏదో ఒక అడ్డంకి ఎదురవుతోందని కామెంట్లు చేస్తున్నారు. పూరీ జగన్నాథ్ కథ, స్క్రీన్ ప్లేపై దృష్టి పెడితే భారీ బ్లాక్ బస్టర్ హిట్ ఆయన ఖాతాలో చేరుతుందని కామెంట్లు వ్యక్తమవుతున్నాయి.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
Home
