చిరంజీవి – పూరి జగన్నాథ్‌ కాంబినేషన్‌ గురించి ఎంతమంది వెయిట్‌ చేస్తున్నారు? అనే పోల్‌ పెడితే.. చిరంజీవి అభిమానుల ఓట్లన్నీ యస్‌ అనే పడతాయి. ఎందుకంటే చిరంజీవి తెరపై అద్భుతంగా చూపించాలంటే అభిమానులకే సాధ్యం. అలాంటి అభిమానుల్లో పూరి జగన్నాథ్‌ ఒకరు. అందుకే ‘ఆటోజానీ’ అంటూ ఆ మధ్య ఓ ప్రయత్నం జరిగింది.. కానీ వర్కవట్‌ కాలేదు. అయితే ఇప్పుడు మరోమారు అవకాశం ఇచ్చారు చిరు. మొన్నీమధ్య ఓ లైవ్‌ ఇంటరాక్షన్‌ చిరంజీవే అడిగారు.
అయితే ఇప్పుడు ఆ కథకు సంబంధించి ఓ ఆలోచన వచ్చింది అని అంటున్నారు. ముందుగా చెప్పినట్లు చిరంజీవిని ఎలా చూపించాలో పూరి ఓ ఆలోచన చేసేశారట. ఇప్పుడు పరిస్థితులు, చిరంజీవి వయసు అన్నీ పరిగణలోకి తీసుకొని ‘ఇడియట్’ లాంటి కథను సిద్ధం చేశారట. పరిస్థితులు, ఏజ్‌ అంటూ మళ్లీ ‘ఇడియట్’ అంటున్నారేంటి అనే డౌట్‌ రావొచ్చు. అయితే ఈ ‘ఇడియట్’ తండ్రి వెర్షన్‌ నుండి ఉంటుందని టాక్‌. అంటే చంటిగాడు లాంటి కొడుకు ఉన్న తండ్రి కథను ఇప్పుడు చిరంజీవి కోసం పూరి రెడీ చేస్తున్నారని అంటున్నారు.
తండ్రి కొడుకుల మధ్య సాగే ఈ కథ ‘ఇడియట్’ సినిమాకు కొనసాగింపుగా కానీ, ప్రీక్వెల్‌గా కానీ చూపించాలనే ఆలోచన కూడా ఉందట. తండ్రి పాత్ర పాయింట్ ఆఫ్ వ్యూలో ఈ కథ ముందుకు తీసుకెళ్తారట. సినిమాలో ఎమోషనల్‌ పాయింట్‌ను కీలకంగా తీసుకున్నా.. యాక్షన్ స్టఫ్‌ బాగా ఉండేలా చూసుకుంటారని చెబుతున్నారు. అయితే ఇది చెప్పేంత ఈజీగా వర్కవుట్‌ కాదు.
మరోవైపు చంటిగాడు ఏజ్‌ ఉన్న కుర్రాడికి చిరంజీవిని తండ్రిగా చూపిస్తారు అంటే ఫ్యాన్స్ ఏమంటారో చూడాలి. అయితే చిరంజీవి ఇటీవల కాలంలో ప్రయోగాలకు ముందుకొస్తున్నారు. ‘గాడ్‌ఫాదర్‌’ అలాంటి సినిమానే. హీరోయిన్, డ్యూయెట్‌, కామెడీ ట్రాక్‌ లేకుండా చిరు నుండి వచ్చిన సినిమా ఇది. ఈ క్రమంలో పూరి చెప్పబోయే కథ ఎలా ఉంటుందా అనే ఆసక్తి ఉంది. అయితే ఇందులో చిరుతోపాటు మరో మెగా హీరో నటిస్తాడనే చర్చా సాగుతోంది.
ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!
మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!
Home