విజయ్ దేవరకొండ తాజా చిత్రాన్ని పాన్ ఇండియన్ ఫిలిమ్ గా తీర్చిదిద్దేందుకు దర్శకుడు పూరీ జగన్నాధ్ తన శక్తులన్నీ కేంద్రీకరిస్తున్నాడు. ఆల్రెడీ ఈ చిత్ర నిర్మాణంలో కరణ్ జోహార్ ను భాగస్వామి చేసి హిందీ రిలీజ్ కన్ఫర్మ్ చేసుకున్న పూరీ జగన్నాధ్.. సినిమాలో హీరోయిన్ గా బాలీవుడ్ భామ అనన్య పాండేను ఫైనల్ చేసేశాడు కూడా. ఇదంతా బాగానే ఉంది కానీ.. సినిమా ఎనౌన్స్ మెంట్ టైమ్ లోనే “ఫైటర్” అని ఎనౌన్స్ చేసిన టైటిల్ ను నిన్న సినిమా ప్రారంభోత్సవం టైమ్ కి ప్రకటించకపోవడం కొన్ని బాలీవుడ్ మీడియా హౌజ్ ను సినిమా టైటిల్ ఇంకా ఫిక్స్ అవ్వలేదు అని పేర్కొనడం చూస్తే.. సినిమా టైటిల్ మారనుందని తెలుస్తోంది.
తెలుగు, తమిళం, హిందీ, మలయాళం, కన్నడ భాషల్లో విడుదలవుతున్న సినిమా కాబట్టి “ఫైటర్” అనే టైటిల్ బాగోదని అనుకున్నారో లేక కరణ్ జోహార్ టైటిల్ ఎనౌన్స్ మెంట్ కోసం ఏదైనా స్పెషల్ ఈవెంట్ ప్లాన్ చేశాడో తెలియదు కానీ.. ప్రస్తుతానికి ఈ ప్రొజెక్ట్ ను “ఫైటర్” అని కాకుండా VD10 అనీ PURI37 అని పిలుస్తున్నారు. ముంబైలో రెగ్యులర్ షూటింగ్ మొదలైన ఈ చిత్రంలో రమ్యకృష్ణ కీలకపాత్ర పోషిస్తుండగా.. “జైలవకుశ” ఫేమ్ రోనిత్ రాయ్, అలీ, గెటప్ శ్రీను ఇతర ముఖ్యపాత్రలు పోషిస్తున్నారు.
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
ఎంత మంచివాడవురా సినిమా రివ్యూ & రేటింగ్!
Home