మాస్ డైరక్టర్ పూరి జగన్నాథ్ లోఫర్ తర్వాత చేస్తున్న మూవీ “ఇజం”. నందమూరి తారక రామారావు ఆర్ట్స్ బ్యానర్లో కళ్యాణ్ రామ్ నటిస్తూ నిర్మిస్తున్నారు. ఇందులో కళ్యాణ్ రామ్ ని కొత్త లుక్ తో పూరి చూపిస్తున్నారు. ఈ సినిమాకు సంబంధించిన ఫస్ట్ లుక్ ని సోమవారం రిలీజ్ చేసి పరిశ్రమ వర్గాలను తన వైపు తిప్పుకున్నారు.
ఇందులో కళ్యాణ్ రామ్ నిలబడి, కూర్చొని ఉన్న పోస్టర్లు ఇరగదీసాయి. ఫస్ట్ లుక్ తో పూరి తన క్రియేటివిటీ మరోసారి చూపించారు. అంతేకాదు.. సినిమాలోని స్టోరీ లైన్ ను పోస్టర్ పై డిజైన్ చేసి కొత్త ట్రెండ్ సృష్టించారు. “అతనికి అతనే స్పెషల్. చంపేందుకు అతనికో స్టోరీ ఉంది. మీరు ఆ యువకుడిని పట్టుకోగలరు. కానీ అతని ఆలోచనలని భందించలేరు” అని ఇంగ్లీష్ లో పంచ్ లైన్లు రాసి .. సినిమా పై అంచనాలను పెంచారు.
ఎప్పుడు హీరో క్యారక్టరైజేషన్ పై దృష్టి పెట్టే ఈ దర్శకుడు ఈ సారి కూడా హీరో చాలా తెలివైన వాడిగా పరిచయం చేస్తున్నారు. ఈ ఫస్ట్ లుక్ అటు పూరి జగన్నాథ్, ఇటు కళ్యాణ్ రామ్ అభిమానులకు చాలా బాగా నచ్చింది. యంగ్ టైగర్ తారక్ కి టెంపర్ తో హిట్ ఇచ్చిన పూరి .. కళ్యాణ్ రామ్ కి “ఇజం” తో సూపర్ హిట్ అందిస్తాడని నందమూరి అభిమానులు భావిస్తున్నారు.
