Pushpa, RRR: జక్కన్న ఫ్యాన్స్ అంచనాలు అందుకుంటారా?

రాజమౌళి డైరెక్షన్ లో తెరకెక్కిన బాహుబలి సిరీస్ అంచనాలను మించి సక్సెస్ సాధించి రాజమౌళికి జాతీయ స్థాయిలో గుర్తింపు తెచ్చిపెట్టింది. ప్రస్తుతం రాజమౌళి దర్శకత్వం వహిస్తున్న ఆర్ఆర్ఆర్ సినిమాపై భారీ స్థాయిలో అంచనాలు నెలకొన్నాయి. అయితే ఈ సినిమా బాహుబలి సిరీస్ ను మించి సక్సెస్ సాధిస్తుందా..? అనే ప్రశ్నకు ఎవరూ ఖచ్చితంగా సమాధానం చెప్పలేని పరిస్థితి నెలకొంది. కథ, కథనాలు బాహుబలి సిరీస్ స్థాయిలో లేకపోయినా ఆర్ఆర్ఆర్ విషయంలో ప్రేక్షకులు పెదవి విరిచే అవకాశాలు ఉంటాయి.

మరోవైపు ఈ సినిమాకు మరో పాన్ ఇండియా మూవీ పుష్ప నుంచి గట్టి పోటీ ఎదురవుతోంది. ఆర్ఆర్ఆర్, పుష్ప సినిమాల నుంచి ఫస్ట్ సింగిల్ రిలీజ్ కాగా వ్యూస్ విషయంలో రెండు సినిమాలు దాదాపుగా ఒకే స్థాయిలో ఉండటం గమనార్హం. పుష్ప సినిమా బ్యాక్ డ్రాప్, అల్లు అర్జున్ లుక్ సినిమాపై అంచనాలు పెంచింది. అయితే జక్కన్న ఆర్ఆర్ఆర్ కథ, కథనంతో కచ్చితంగా మ్యాజిక్ చేస్తారని ఫ్యాన్స్ భావిస్తున్నారు. జక్కన్న సినిమా రిలీజయ్యే సమయానికి ప్రమోషన్స్ విషయంలో వేగం పెంచి సినిమాపై అంచనాలను రెట్టింపు చేస్తారు.

కొన్ని నెలల గ్యాప్ లోనే ఆర్ఆర్ఆర్, పుష్ప రిలీజ్ కానుండగా ఏ సినిమా ప్రేక్షకుల నుంచి ఎలాంటి రెస్పాన్స్ ను అందుకుంటుందో చూడాల్సి ఉంది. మరోవైపు అల వైకుంఠపురములో సినిమాను మించి పుష్ప పార్ట్1తో సక్సెస్ సాధించాలని బన్నీ ఫ్యాన్స్ భావిస్తున్నారు. ఆర్ఆర్ఆర్, పుష్ప సినిమాలతో ఇండస్ట్రీ హిట్ సాధించాలని రాజమౌళి, సుకుమార్ ఈ సినిమాల కోసం తీవ్రస్థాయిలో శ్రమిస్తుండటం గమనార్హం.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!