ప్రముఖ నటి రాధికా శరత్ కుమార్ తాజాగా కొందరు నెటిజెన్ల పై ఫైర్ అయ్యింది. దీనికి ముఖ్య కారణం రాధిక మొదటి కూతురు (మొదటి భర్త కూతురు) రేయాన్ ఇటీవల ఓ పోస్ట్ చేసింది. రాధిక- శరత్ కుమార్ ల పెళ్ళిరోజు సందర్భంగా రేయాన్… తన కొడుకుతో శరత్ – రాధికలు ఉన్న ఫోటోను ‘లవ్‌బర్డ్స్‌.. హ్యాపీ యానివర్సరీ’ అనే ట్యాగ్‌తో ట్విట్టర్లో షేర్‌ చేసింది. రేయాన్ చేసిన ఈ పోస్ట్ కి కొందరు నెటిజన్లు ‘‘శరత్‌కుమార్‌ ఈజ్‌ బ్లెస్డ్‌. రెండో భార్య రాధిక మొదటి కుమార్తె (రేయాన్) కొడుకుతో శరత్ కుమార్’’ అని సెటైరికల్ గా కామెంట్ చేసారు.
ఈ కామెంట్‌కే రేయాన్ స్పందింస్తూ… ‘‘ఇలాంటి ప్రపంచంలో మనం జీవిస్తున్నాం. అవును… మా నాన్నగారు సూపర్‌ బ్లెస్డ్‌. అద్భుతమైన భార్య దొరికారు. నలుగురు సంతానం ఉన్నారు. ఒక మనవడు ఉన్నాడు. ఆయన్ను ఎంతగానో ప్రేమించే కుటుంబం ఉంది. మాది మిక్స్‌డ్‌ ఫ్యామిలీ. మమ్మల్ని విమర్శించే వారి మనసుల్లో… ద్వేషం స్థానంలో ప్రేమ నిండుకోవాలని మనస్ఫూర్తిగా కోరుకుంటున్నాను’’ అంటూ రిప్లై ఇచ్చింది. రేయాన్ చేసిన పోస్ట్ కి రాధిక ట్యాగ్‌ చేసి…‘‘రేయాన్.. మన బాధ ఎవరికీ తెలీదు. కానీ మన మధ్య ఉన్న ప్రేమ, అనుబంధాలను చూడటానికి అర్హత లేని గుడ్డివారు ట్రోల్‌ చేస్తున్నారు. వారిని అలాగే వదిలేయ్‌. అలాగే వేదనతో బ్రతుకనివ్వు… మనం మనలాగే హ్యాపీగా ఉందాం’’ అంటూ రాధిక మండిపడ్డారు.
Home