“ఆ.. రామయ్య” వస్తున్నాడయ్యా !

నట సింహా నందమూరి బాలకృష్ణ తనయుడు నందమూరి మోక్షజ్ఞ వచ్చే ఏడాది సినిమాలో సినీ రంగ ప్రవేశం చేసేందుకు అంతా సిద్ధమవుతోంది. మూడో తరం నందమూరి నట వారసుడు సినీ నిర్మాణంలోని సంగతులను తెలుసుకునేందుకు బాలయ్య వందో సినిమా “గౌతమి పుత్ర శాతకర్ణి” చిత్ర బృందంలో ఒకరిగా చేరారు. దర్శకుడు క్రిష్ దగ్గర అసిస్టెంట్ గా చేరి షూటింగ్ కష్టనష్టాలను ప్రత్యక్షంగా వీక్షిస్తున్నారు.

ఈ చిత్రంలోనే ఒక పాత్రలో మోక్షజ్ఞ మెరవనున్నట్లు సమాచారం. బాలకృష్ణ తెర ప్రవేశం మహా నటుడు ఎన్టీఆర్ తాతమ్మ కల చిత్రం ద్వారా జరిగింది. తండ్రి కొడుకుని దగ్గరుండి తెరకు పరిచయం చేశారు. అదే సంప్రదాయాన్ని బాలయ్య పాటిస్తున్నారు. మోక్షజ్ఞ ని తన సినిమా ద్వారా అభిమానులకు పరిచయం చేయనున్నారు. దీని తర్వాత  హీరోగా మోక్షజ్ఞ ని పరిచయం చేయడానికి కథ సిద్ధమైందని.. ఆ చిత్రానికి బాలకృష్ణకు అత్యంత సన్నిహితుడైన సాయి కొర్రపాటి నిర్మించనున్నట్లు సమాచారం.

ఇంకా దర్శకుడు ఖరారు కానీ ఈ సినిమా కోసం సాయి ‘రానే వచ్చాడయ్య… ఆ రామయ్య’ అనే టైటిల్ ను రిజిస్టర్ చేయించినట్లు తెలిసింది. ఈ పేరు చూస్తుంటే తాత ఎన్టీఆర్ అశీసులతో.. అభిమానుల అండదండలతో నవ యువరత్న మోక్షజ్ఞ ఎంట్రీ గ్రాండ్ గా ఉండబోతున్నట్లు అర్ధమవుతోంది.