‘ఊహలు గుసగుసలాడే’ చిత్రంతో తెలుగు ఇండస్ట్రీకు పరిచయమయిన పంజాబీ ముద్దుగుమ్మ రాశిఖన్నా. సుమారుగా ఆరు సినిమాల్లో నటించిన ఈ భామ త్వరలోనే మరో రెండు చిత్రాలతో ప్రేక్షకుల ముందుకు రానుంది. రాశి తెలుగు సినిమాల్లో నటించడం మొదలుపెట్టి రెండేళ్ళు పూర్తయింది.
ఈ సంధర్భంగా రాశి తన మనోభావాలను షేర్ చేసుకుంది. ”రెండేళ్ళ నా ప్రయాణం ఎన్నోఅనుభూతులను మిగిల్చింది. ఇక్కడ ప్రజలు నన్ను ఎంతగానో ఆదరిస్తున్నారు. నాకు వస్తోన్న రోల్స్ తో నేను చాలా సంతోశంగా ఉన్నాను. ఎందుకంటే నేను నా జాబ్ ను ప్రేమిస్తున్నాను. ఇక్కడ ప్రేక్షకులను కూడా.. సినిమాల మీద ప్రేమతోనే నా మకాంను హైదరాబాద్ కు షిఫ్ట్ చేసేశాను. ఇప్పుడు నా కుటుంబం కూడా నాతోనే ఉంటుంది. రాబోయే నెలలో ఓ సినిమాతో తమిళంలో కూడా ఎంట్రీ ఇవ్వబోతున్నాను. తెలుగు ప్రేక్షకులు ఆదరించిన మాదిరి తమిళులు కూడా ఆదరించాలని కోరుకుంటున్నాను” అని చెప్పారు.
