సుకుమార్ దర్శకత్వంలో రామ్ చరణ్ హీరోగా ఓ పల్లెటూరి ప్రేమకథ తెరకెక్కనున్న విషయం తెలిసిందే. ఈ సినిమాలో హీరోయిన్ గా రాశీఖన్నా ఎంపికైందని, అందుకోసమే బరువు కూడా తగ్గుతుందని సోషల్ మీడియాలోనే కాక వెబ్ సైట్లలోనూ పలు కథనాలు వెలువడిన విషయం తెలిసిందే. మొన్నామధ్య చరణ్-రాశీలు ఒకే వేదికపై కనిపించడంతో పెయిర్ కన్ఫర్మ్ అనుకొన్నారందరూ.
కట్ చేస్తే.. సదరు సినిమాలో రాశీఖన్నా నటించడం లేదని రాశీ పి.ఆర్ టీమ్ అనవీషియల్ స్టేట్ మెంట్ ఇచ్చేసింది. మరి రాశీ ఎందుకంత కష్టపడుతుందని అడగ్గా.. అమ్మాయి అందంగా ఉంది కానీ.. అంటూ ఈమధ్యకాలంలో వస్తున్న రివ్యూల్లో మరీ బొద్దుగా ఉందని విమర్శకులు పాయింట్ అవుట్ చేస్తుండడం నచ్చలేదంట రాశీకి, అందుకే జిమ్ లో రోజుకి నాలుగ్గంటలు కష్టపడుతూ కొవ్వు కరిగిస్తుందట.
ఇకపోతే.. రాశీఖన్నా నటించిన “ఆక్సిజన్” షూటింగ్ పూర్తి చేసుకొని విడుదలకు రెడీగా ఉండగా.. మరో రెండు సినిమాలు షూటింగ్ జరుగుతున్నాయి!
Also, do SUBSCRIBE to our YouTube channel to get latest Tollywood updates.
