Raashii Khanna: పేరులో రెండు ‘i’లపై క్లారిటీ ఇచ్చిన రాశీ ఖన్నా.. ఏం చెప్పిందంటే?

తెలుగులో వరుస సినిమాలు చేస్తూనే ఒక్కసారిగా కామ్‌ అయిపోయింది రాశీ ఖన్నా. ఆ తర్వాత మూడేళ్లకు ‘తెలుసు కదా’తో పేరులో కాస్త మార్పు చేసుకొని వచ్చేసింది. తెలుగులో ఈ పేరు చూస్తే ఎలాంటి మార్పు కనిపించదు కానీ.. ఇంగ్లిష్‌లో అయితే కనిపిస్తుంది. అదే ‘i’.. తన పేరులో ఐని యాడ్‌ చేసుకుంది. అయితే తెలుగులో ఈ న్యూమరాలజీ మార్పు ఆమెకు పెద్దగా ఉపయోగపడలేదు. ఇప్పుడు ‘ఉస్తాద్‌ భగత్‌ సింగ్‌’ సినిమాతో మరోసారి తన రీఎంట్రీ అదృష్టం పరీక్షించుకుంటోంది. ఈ క్రమంలో తన పేరు మార్పు గురించి మాట్లాడింది.

Raashii Khanna

ఈ నెల 19న ‘ఉస్తాద్‌ భగత్‌ సింగ్‌’ విడుదల కానున్న సందర్భంగా రాశీ ఖన్నా మీడియాతో మాట్లాడింది. ఈ క్రమంలో సినిమా గురించి, తన వ్యక్తిగత విషయాల గురించి కూడా చెప్పుకొచ్చింది. మీ పెళ్లెప్పుడు అని అడిగితే.. ఏమో తెలియదు అని చెప్పిన రాశీ.. ఇప్పుడు సినిమాలతో బిజీగా ఉన్నానని, పెళ్లి ఇప్పుడు సమయం లేదని చెప్పింది. ప్రేమ వివాహం చేసుకుంటారా అని అడిగితే.. అది కూడా తెలియదు అని నవ్వేసింది. తెలుగులో ఆమెకు పెద్దగా సినిమా ఛాన్స్‌లు లేకపోయినా హిందీలో వరుస సినిమాలు, ఓ వెబ్‌ సిరీస్‌లో నటిస్తోంది.

ఇదంతా ఓకే కానీ మీరు పెళ్లి తర్వాత నటనను వదిలేస్తరా అని అడిగితే.. ఎందుకు దూరమవ్వాలి. పెళ్లయ్యాక కూడా అమ్మాయిలు వర్క్‌ చేయాలి కదా అని చెప్పింది. ఇక అసలు విషయం పేరు దగ్గరకు వస్తే.. మీ పేరులో రెండు ‘ఐ’లు ఉన్నాయి ఏంటి కథ అని అడిగితే.. న్యూమరాలజీపై మా అమ్మకు నమ్మకం ఉంది. ఓ న్యూమరాలజిస్ట్‌ చెప్పిన ప్రకారం ఒక ‘i’ను యాడ్‌ చేసుకున్నాను అని చెప్పింది రాశి.

కాస్త సినిమా టచ్‌ ఇవ్వడానికి మీ హీరోల గురించి చెప్పండి అంటే.. ఎన్టీఆర్‌, రవితేజ ఫుల్‌ ఎనర్జిటిక్‌గా ఉంటారని చెప్పింది. సాయి తేజ్‌ మంచి స్నేహితుడని, గోపీచంద్‌ కూల్‌గా ఉంటారని, నాగ చైతన్య, వరుణ్‌ తేజ్‌, రామ్‌, నితిన్‌, నాగ శౌర్య స్వీట్‌ పర్సన్స్‌ని చెప్పింది రాశి.

బాడీ డబుల్‌ రూమర్లు.. ఎంజాయ్‌ చేశానంటున్న హరీశ్‌ శంకర్‌.. ఏమైందంటే?