కుర్ర స్టార్‌ హీరోలకు కూడా సాధ్యం కాని విధంగా వరుస సినిమాలు అనౌన్స్‌ చేస్తూ, స్టార్ట్‌ చేస్తూ అదరగొడుతున్నాడు మెగాస్టర్‌ చిరంజీవి. ఇప్పటికే లైనప్‌లో మూడు సినిమాలుండగా, మరో సినిమాకు పచ్చ జెండా ఊపారని టాక్. ఆ విషయం పక్కనపెడితే ఇంకో సినిమా కోసం ప్రముఖ నటికి మాటిచ్చారు చిరంజీవి. ఈ విషయాన్ని ఆమెనే ట్వీట్‌ చేసింది. అవును, రాడాన్‌ మీడియా వర్క్స్ పతాకంపై ఓ సినిమా ఉంటుందట.
‘గాలివాన’ వెబ్‌ సిరీస్ ప్రమోషన్‌ కోసం ఇటీవల రాధిక తెగ తెలుగు టీవీ ఛానల్స్‌, యూట్యూబ్‌ ఛానల్స్‌ కనిపించారు. అయితే ఒకటి రెండు రోజులుగా సందడి తగ్గింది. కానీ సోషల్‌ మీడియాలో అదిరిపోయే న్యూస్‌ ఇచ్చి ఈ రోజు ఉదయాన్నే సందడి షురూ చేశారు. అదే చిరంజీవితో సినిమా. సమీప భవిష్యత్తులో మా ‘రాడాన్‌ మీడియా వర్క్స్’లో ఓ సినిమా చేస్తా అని చిరంజీవి చెప్పారు అంటూ ట్వీట్‌ చేశారు రాధిక. దీంతో ఈ కాంబో గురించి ఎన్నో ఏళ్లుగా ఎదురుచూస్తున్న ఫ్యాన్స్ ఖుష్‌ అయ్యారనొచ్చు.
చిరంజీవి — రాధిక – శరత్‌కుమార్‌ కాంబో ఇప్పటిది కాదు. వీళ్ల స్నేహం గురించి ఎంత చెపపినా తక్కువే అంటారు. అలాంటి ఈ ముగ్గురూ మళ్లీ కలుస్తున్నారు అంటే పెద్ద విషయమే. అయితే ఈ సినిమా దర్శకుడు ఎవరు, ఎప్పుడు ఉండొచ్చు లాంటి వివరాలు అయితే తెలియవు. అయితే చిరంజీవి లైనప్‌ చూస్తే ఇప్పల్లో కుదిరేలా లేదు. అయితే రాధికకు చిరంజీవి డైరెక్ట్‌ మూవీ చేస్తారా, లేక కో ప్రొడ్యూసర్‌ అవకాశం కల్పిస్తారా అనేది చూడాలి.
ఇక చిరంజీవి భవిష్యత్తు సినిమాలు ఇలా ఉన్నాయి. ‘జయం’ మోహన్‌ రాజా దర్శకత్వంలో ‘గాడ్‌ఫాదర్‌’ చేస్తున్నారు. ఆ తర్వాత మెహర్‌ రమేశ్‌ డైరక్షన్‌లో ‘భోళా శంకర్‌’ ఉంటుంది. ఈలోపు బాబీ దర్శకత్వంలో ‘వాల్తేరు వీరయ్య’ వస్తుంది. వీటితోపాటు వెంకీ కుడుమల దర్శకత్వంలో డీవీవీ దానయ్యకి ఓ సినిమా చేస్తున్నారు. సుష్మిత కొణిదెల నిర్మాణంలో ఓ సినిమా ఉంటుందని వార్తలు వస్తున్నాయి. ఆ లెక్కన వీటి తర్వాతే రాధిక సినిమా ఉండొచ్చు.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
Home