బాలీవుడ్ స్టార్ హీరోయిన్ రాధికా ఆప్టే తెలుగు ప్రేక్షకులకు సుపరిచితమే. రాంగోపాల్ వర్మ తెరకెక్కించిన ‘రక్త చరిత్ర'(సిరీస్) తో తెలుగు ప్రేక్షకులకు పరిచయమైంది. ఆ తర్వాత ‘లెజెండ్’ ‘లయన్’ ‘కబాలి’ వంటి సినిమాల్లో కూడా నటించింది. ఆ తర్వాత తెలుగు సినిమాల్లో ఈమె కనిపించలేదు.అయితే హిందీ సినిమాల్లో నటిస్తూనే ఉంది. అక్కడ స్టార్ గా ఎదిగింది. హాలీవుడ్ సినిమాల్లో నటించడానికి కూడా ఈమె రెడీ అయ్యింది. ఇదిలా ఉండగా.. మరోపక్క ఈమె నిరంతరం హాట్ హాట్ ఫోటో షూట్లలో పాల్గొనడం అలాగే బోల్డ్ కామెంట్స్ చేయడం వంటివి కూడా చేస్తుంటుంది.
ఇదే విధంగా తాజాగా ఈమె పెళ్లి వ్యవస్థ పై చేసిన కామెంట్స్ హాట్ టాపిక్ అయ్యాయి. నిజానికి రాధికా ఆప్టే కూడా పెళ్లి చేసుకుందన్న సంగతి ఎక్కువ మందికి తెలిసి ఉండదు. ఆ విషయం పై కూడా ఈమె స్పందించింది. అసలు ఆమె ఎందుకు పెళ్లి చేసుకుంది అనే విషయాన్ని కూడా చెప్పుకొచ్చింది. ‘నాకు పెళ్లి వ్యవస్థ పై అస్సలు నమ్మకం లేదు. అలాంటప్పుడు నేను ఎందుకు పెళ్లి చేసుకున్నాను అనే అనుమానం అందరికీ రావడం సహజం.నేను కేవలం వీసా కోసమే పెళ్లి చేసుకున్నాను’ అంటూ షాకింగ్ ఆన్సర్ ఇచ్చింది.
8 ఏళ్ళ క్రితం బ్రిటన్ కు చెందిన మ్యూజిషియన్ బెనెడిక్ట్ టేలర్‌ను రాధికా ఆప్టే వివాహం చేసుకుంది.ఆమె బ్రిటీష్ వ్యక్తిని పెళ్లి చేసుకున్నప్పటికీ ఇండియాలోనే నివసిస్తూ వస్తోంది.అయితే తన భర్తని కలవడానికి లండన్ కు కూడా వెళ్ళొస్తుండేది. కానీ ఇప్పుడు తన భర్త నుండీ విడిగా ఉంటుంది. సినిమాల కోసమే పెళ్లి జీవితం త్యాగం చేస్తున్నారా? అని ఈమెను ప్రశించగా.. ‘అదేం లేదు.. నిజానికి పెళ్లి పై నమ్మకమే లేదు. చెప్పాను కదా.. విదేశీ అబ్బాయిని పెళ్లి చేసుకుంటే వీసా ఈజీగా వస్తుందని… అంతే..! అయితే ఆ బ్రిటిష్ వ్యక్తి కూడా నచ్చడంతోనే పెళ్లి చేసుకోగలిగాను’ అంటూ ఆమె తెలిపింది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
