Raghava Lawrence: ‘చంద్రముఖి2’.. హారర్ తో పాటు గ్లామర్ కూడా..!

July 28, 2022 / 04:38 PM ISTByFilmy Focus

Join Us

Raghava Lawrence: ‘చంద్రముఖి2’.. హారర్ తో పాటు గ్లామర్ కూడా..!

2005లో వచ్చిన ‘చంద్రముఖి’ సినిమా ఎంత పెద్ద సక్సెస్ అయిందో తెలిసిందే. రజినీకాంత్ కెరీర్ లో ఇదొక క్లాసిక్ గా నిలిచింది. తలైవాతోనే ఈ సినిమాకి సీక్వెల్ చేయాలనుకున్నారు దర్శకుడు పి.వాసు. కానీ రజినీకాంత్ మాత్రం చేయలేకపోయారు. రెండో భాగాన్ని కన్నడలో విష్ణువర్ధన్ తో తీశారు. అది సూపర్ హిట్ అయింది. కానీ తెలుగులో వెంకటేష్ తో నాగవల్లిగా రీమేక్ చేస్తే ఇక్కడ మాత్రం డిజాస్టర్ అయింది. ఇప్పుడు కొత్త కథతో ‘చంద్రముఖి2’ సినిమాను రూపొందిస్తున్నారు.

లారెన్స్ హీరోగా సన్ పిక్చర్స్ భారీ బడ్జెట్ తో ఈ సినిమాను తెరకెక్కిస్తోంది. అయితే ఇందులో హీరోయిన్ ఒకరో.. ఇద్దరో కాదట. మొత్తం ఐదుగురిని తీసుకున్నట్లు సమాచారం. లక్ష్మీ మీనన్, మంజిమా మోహన్, మహిమా నంబియార్, సృష్టి దాంగే, సుభిక్ష కృష్ణన్ లు లారెన్స్ తో కలిసి నటించనున్నారు. రీసెంట్ గానే మైసూర్ లో రెగ్యులర్ షూటింగ్ మొదలుపెట్టారు. అయితే ఈ ఐదుగురిలో చంద్రముఖి ఎవరనేది మాత్రం సస్పెన్స్ లో పెట్టారు.

మొదట ఫస్ట్ పార్ట్ లో నటించిన జ్యోతికనే పార్ట్ 2లో కూడా నటిస్తారనే ప్రచారం జరిగింది. కానీ అందులో నిజం లేదని తెలుస్తోంది. మొత్తానికి ఐదుగురు హీరోయిన్లను తీసుకొచ్చి హారర్ తో పాటు హెవీ గ్లామర్ షో కూడా ఉండేలా ప్లాన్ చేస్తున్నారు దర్శకనిర్మాతలు. వచ్చే ఏడాది విడుదల కానున్న ‘చంద్రముఖి2’ సినిమా కోసం దాదాపు రూ.100 కోట్ల బడ్జెట్ కేటాయించినట్లు తెలుస్తోంది. ఈ సినిమాపై ప్రేక్షకుల్లో భారీ అంచనాలు నెలకొన్నాయి.

లారెన్స్ నటించిన హారర్ సినిమాలన్నీ భారీ విజయాలను అందుకున్నాయి. అన్నీ ఈసారి రజినీకాంత్ లాంటి స్టార్ నటించిన పాత్రలో లారెన్స్ కనిపించబోతున్నారు. కాబట్టి అతడిపై ఒత్తిడి చాలానే ఉంటుంది. మరి లారెన్స్ ఎంతవరకు మెప్పిస్తాడో లేదో చూడాలి!